Yoohana 8:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Makhaabale la wihi iche ilaabte, “Eti weenoow ebba.” Yeesso la wihi us iyidah, “Annaka uskeel ma kigoocho gon. Tabe, jirotaahti haꞌdaabeet ꞌdii.”

Yoohana 8:11 Referans Kwoze

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

Yoohana 5:14

Yeesso saahka etaas minki Waakhe buure ka ꞌhele, wihi us iyidah, “At kola a samaatte. Uus ꞌdee wohoo addane suuje kisoobahine, tabe uskeel kanokho.”

Yoohana 8:15

Atin jiti weeli enenyete walah kagoossaan, ani la et an uskeel igoocho mele.

Luuka 15:7

Wihi an atin iadeeh, saggaas on u, goobi Waakh ka hamaadi buurenye jira jeenteti etoo kaldaye uskeeliis kasoonokhtuu. Hamaadi eta khabo hamaadi et tomon saagaal ichoow et saagaal fiffissane uskeelicho ikasoonokhan weyti kussanyahe.

Luuka 5:32

ꞌDooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel lehe, ꞌdee uskeelicho a kasoonokhti.”

Rooma 2:4

Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

Luuka 13:3

Iꞌdaas mee. Iꞌdaasenyi atin laka chirri atin uskeeliin ikasoonokhan, atin tuumman laka a tuuntaan.

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Yoohana 18:36

Yeesso la wihi us iyidah, “Dakheey ki harrata mee. Chirri kootte iche iꞌdaase tahe, abattiteey diho gessa jiti ewweenki Yaꞌhuud ikakhaban yowatta. Iꞌdaasenyi toolla antohi an walah kadakhdi intoo addane kayamiitiin.”

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Luuka 13:5

Mele! Wihi an atin icheeko, atin laka chirri atin uskeeliin ikasoonokhan, atin tuumman laka a tuuntaan.”

2 Beetero 3:15

Waha la abda, samacchaari Kamureen ribnaanki us enenyet ribo ikhaata. Walaaleenki inno ꞌdoonno Baawulo layadeeh laka kharati Waakh siiche ka waha a atin isoochiire.

1 Koriinto 5:12

Rumanka, hili ꞌdooꞌdi urur Kiriisto ieheynan lahukkumo keey mee. Iꞌdaasenyi hili ꞌdooꞌdi urur Kiriisteenye uskeeli iꞌdee kijiro lahukkumo atine atin fuula.

Luuka 9:56

Yeesso ichoow abattitiis ba ilkerengeettoo addan irteen.