Yoohana 7:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Chiirnaanneti Waakh, Ki Lasubhe hiiy karnati Dawuud layadeeh ichoow ilkerengeetti Beꞌdeleheeme Dawuud yiille kayamiit ma tadeeh a?”

Yoohana 7:42 Referans Kwoze

Mattaayo 2:5

Icho la wihi icho ilaabeen, “Ilkerengeetti Beꞌdeleheeme boroofenhi Yaꞌhuudiya kijirto iche lakadela. Iꞌdi tahe waha a wihi goorat etoo Waákh íyeyyeedo chiire.

Luuka 2:4

Yuussuf ꞌdeerka ilkerengeetti Naasarete boroofenhi Gaalilaaya kajirto kakahe, boroofenhi Yaꞌhuudiya ka, ilkerengeetti Beꞌdeleheem layadeehe goorat karnati Dawuud layadeeh kadesse irte. Yuussuf la jeenteti us hiiy Dawuud iyahe, iche ilkerengeettaas iirte.

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!

Mattaayo 1:1

Waha a magahenye aacchinye Yeesso Kiriistohi hiiy Dawuudhi karnate. Dawuud la a hiiy Aburaaham.

Yoohana 7:27

Iꞌdaasenyi eta inti us kayimiy a garanna. Ki Lasubhe la maanti us yamiit, et inti us kayamiit garti mele.”

Mattaayo 2:6

“‘Iꞌdaasenyi atihi ilkerengeetti Beꞌdeleheemenye boroofenhi Yuuda kijirto, ilkerengeetohi addane Yuuda ma karucchul. A mehe berri karnat intane lakadela, ki ꞌdooꞌdeeyki Issiraayel yaakhicho.’”