Yoohana 7:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Yeeda us, ‘Atin a iyowattaane, ma iꞌhessaane toro inti an kajiro la ma tamiitiin,’ essi a mehe?”

Yoohana 7:36 Referans Kwoze

Yoohana 3:9

Nikodeemo la wihi us worsate, “Waha saggoh iyateehiin?”

Yoohana 7:34

Atin a iyowattaane, iꞌdaasenyi ma iꞌhessaan. Iꞌdi tahe inti an kajiro ma tamiitiin.”

1 Koriinto 2:14

Eti tuummane Rubeyti Waakh ikhabin, wihi Rubeyti Waakh kayimiy ma khaatti, a mehe usu ka waha a ꞌdalammoon on. Toro wahanyeyyoha aban ma yabuuꞌd a mehe Rubeyti Munyeenye gargaarto ma khabo gon.

Yoohana 12:34

Urur la wihi us iyidah, “Amurre Muusa ka, Ki Lasubhe jirtuu tuumman a inno leefiddiya iche daagne. Saggoh ꞌdeerka ‘Ínam Aadam serey a liiokkhicha’ itadeeh? ‘Ínam Aadamha,’ a ayyo?”

Yoohana 6:60

ꞌDooꞌdi ittaawenye Yeesso raaho waha daage wihi us yidah, “Yeeda weyti miigyahe. Ayyo nabah isuda?”

Yoohana 6:52

ꞌDeerka ꞌdooꞌdaas Yaꞌhuud yeedaas Yeesso ka weyti holloweene, isleeiriireen. Wihi iche isworsatte, “Eta saggoh sartiis inno isiicha inaham?”

Yoohana 6:41

Jeenteti Yeesso, “An a gololi goobi Waakh kayimiy,” iyidah u, ꞌdooꞌdi Yaꞌhuud nyunnyuwe.

Yoohana 3:4

Nikodeemo la wihi us worsate, “Saggoh eti ween toro liidela? Rumanka koli lammaatteet uur abartiis ma inokhti ma dessi!”

Yoohana 8:21

Yeesso toro wihi us icho iyidah, “An a irda, atin la a iyowattaan. Iꞌdaasenyi inti an irdi ma tamiitiin. Uskeeliin goya katuuntaan.”

Yoohana 13:33

“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.