Yoohana 7:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Atin a iyowattaane, iꞌdaasenyi ma iꞌhessaan. Iꞌdi tahe inti an kajiro ma tamiitiin.”

Yoohana 7:34 Referans Kwoze

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 14:3

Chirri an irde meel atin iyeele la, a soonokhda, meesseey atin geecha, ꞌdee inti an kajiro, atin laka kajirtaan.

Mattaayo 23:39

A mehe wihi an atin icheeko, yombuu toro ma iargartaane ichoowka, ‘Waakh ki magahi Kamur kayamiit a imaale,’ tadeehiin.”

Yoohana 7:36

Yeeda us, ‘Atin a iyowattaane, ma iꞌhessaane toro inti an kajiro la ma tamiitiin,’ essi a mehe?”