Yoohana 7:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Waha ka ꞌdooꞌd Yeesso khaban leheete, iꞌdaasenyi et usu khabte mele. Iꞌdi tahe ibeenki liichiire lakhabti, uliba a ankhanyahe.

Yoohana 7:30 Referans Kwoze

Yoohana 10:39

ꞌDooꞌd toro Yeesso khaban leheete, iꞌdaasenyi ꞌdooꞌd goya tabe kabahsate.

Yoohana 8:20

Yeesso inti minki Waakhe buure ka saanduukhi sadakha lakachibo yaal, iche ꞌdooꞌd walah kaabche, toro wahaas tuumman keesse. Et usú khabte la mele, a mehe ibeenkiis uliba a ankhanyahee.

Yoohana 7:6

Maantaka Yeesso wihi us iyidah, “Ibeenki an irdi uliba a ankhanyahe. Atin la a geeddi atin ibeenki atin ꞌdoontaan on irattaan. A mehe atin ibeen atin leesuuje mele.

Yoohana 7:32

Farissaayo ururi woriis kanyunnyuwo daagte. ꞌDeerka kuhaaniyyohi wewween ichoow Farissaayo ba, iskartoo Yeesso khabatti ergeen.

Yoohana 11:57

Iꞌdaasenyi kuhaaniyyohi wewween ichoow Farissaayo amur bahcheene, chiꞌ etoo inti Yeesso kajiro garti, a soocheeko, ꞌdee a khabteen.

Yoohana 9:4

Geeddi il on maalim yahe, hili Waakkhi isooerge a haagginna. Mugꞌdi la a soogela, ki etoo kalday laka hil ihaaggin.

Yoohana 8:59

Jeenteti waha u dagah okhsatte, usu saataa. Iꞌdaasenyi Yeesso dagte, dagsi ka uranti minki Waakhe buure kabahe.

Yoohana 8:37

Saggi atin nyaakhut nyaakhut Aburaaham itahiin a garda. Iꞌdaasenyi ogoose imarantaan, iꞌdi tahe wihi an atin abcho ma rummeysattaan.

Yoohana 7:19

Muusa amurre ma atin siinna? Iꞌdaasenyi etiin amurretaas raaho mele. A iꞌdoh ani ogoos imarantaan?”

Yoohana 7:8

Atin nyaama ilkerengeetti weene Yeerusaleem irda, daawtaas gela. An daawtaas ma irdi. Iꞌdi tahe ibeenkeey uliba a ankhanyahe.”

Luuka 22:53

Maan tuumman ani uranti minki Waakhe buure ka a atin leejire, atin la ma ikhaban. Iꞌdaasenyi waha a sahaꞌddiinna, a sahaꞌddi Seytaanki karnati mugꞌdee atin anti.”

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

Marko 11:18

Kuhaaniyyohi wewween, ichoow tagaammeti amurre ba, yeedaas daagte. Jiti iche Yeesso katagiis yowatte. Jeenteti urur tuumman wihi us enenyet abcho ka weyti igirmeestuu, usu weyti karoorte.

Mattaayo 21:46

Jiti iche Yeesso kakhabatti yowatte. Iꞌdaasenyi urure karooraan. A mehe enenyet Yeesso eti Waákh íyeyyeedo ikhaate.

Yoohana 10:31

Weynaanti Yaꞌhuud toro dagah okhsatte, Yeesso dagah kachibtaa.

Mattaayo 12:14

Iꞌdaasenyi Farissaayo bahte, tossatte, jiti icho Yeesso kayagiisiin kamasseen.