Yoohana 7:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Yeesso wihi us ilaabe, “Waha an ꞌdooꞌd abcho, yeedeey on menye, a yeedi eti isooergate kayimiy.

Yoohana 7:16 Referans Kwoze

Yoohana 14:24

Eti tuummane ani iꞌdoonin, wihi an abche laka ma raaho. Wihi atin daagteen la weheey menye, Aabbaheeyki isooerge iche kayimaateen.

Yoohana 14:10

Fiilif, at saggi an Aabbaheey goytiis ifiddiyo, ulla goyteey ifiddiyo ma rummeysatti? Yeeda an eldi ani ma ikiimaatane, Aabbaheeyki goyteey fiddiyo iche waha tuumman yeela.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 5:30

Awteey u walah an yeelo mele, iꞌdaasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho iꞌdaasenyi ki isooergate kahamaadicha.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yoohana 8:28

ꞌDeerka wihi us iyidah, “Maanti atin Ínam Aadam massalaaba ka serey geesseen, saggi an etaas iahe, a abattaan. Toro la saggi an wohoo rucchul laka miigteey ka iyeeline, iꞌdaasenyi an wihi Aabbaheey iabche on icheeko a abattaan.

Yoohana 3:11

Rume kisoocheeka, wihi nah garanni a atin isoocheekna, wihi nah indo kaagarre laka a atin isoocheekna. Iꞌdaasenyi, atin wihi nah atin idowno ma rummeysattaan.

Yoohana 6:44

Et ani iyamiit mele, sammata Aabbaheeyki ani isooerge ikakeenin. Anna etaas ibeenki ꞌdaꞌddaboot omoot a kasookahcha.

Yoohana 3:31

“Weeli Waakhe goobi Waakhe saraat kayamiit, usu ꞌdooꞌd tuumman kaween. Ani a ki harratane, wihi harratane kayeyyeeda. Ki goobi Waakh kayamiit la, usú ꞌdooꞌd tuumman kaween.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

2 Yoohana 1:9

Eti tuummane wihi Kiriisto ꞌdooꞌd abche iraahine, wihi awtiis kakhaye, Waakh ma khabo. Eti tuummane orey isohti wihi Kiriisto ꞌdooꞌd abche khuccho, Waakkhi Aabbaheene ichoow Weeli Waakh ba a khaba.