Yoohana 7:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Weynaanti Yaꞌhuud, chiꞌche saggi us ꞌdooꞌd walah iabcho daagte ka, weyti girmeysatte, wihi iche worsatte, “Eta injire sukkuul iiran, intoh kharata geeddee kaꞌhele?”

Yoohana 7:15 Referans Kwoze

Luuka 4:22

ꞌDooꞌd tuumman haaggiis kaayyeede toro yeeda haaggane afiis kasoobahe kagirmeeste, wihi icho isworsateen, “Waha inam Yuussuf menya?”

Mattaayo 13:54

Chirra us ilkerengeetti goobicheenye Naasaret yimiy ka, minki weysiite Yaꞌhuud ka enenyet Yeedi Waakh abin sookhabte, icho la girmeesteene, “Us eta kharata ichoow miigta us waha weeli enenyet yeelin iubaaꞌdan kayeelo intoh kaꞌhele?” worsateen.

Hilassi Ergaano 26:24

Geedda Baawulo isiyeyyeedo ka, Feestas Baawulo kariire wihi us iyidah, “Baawulo at a sirgo! Soonnaankaahki buure a kisirgooche!”

Yoohana 7:46

Iskare la wihi iche tidah, “Et injire saggi eta iyeyyeedo nah daagne mele.”

Luuka 2:47

ꞌDooꞌdi wihi laworsate us soolaabe daage tuumman la kharatiis weyti kagirmeeste.

Mattaayo 22:22

Chirri iche waha daagte ka, weyti girmeysatte, ꞌdeerka usu katabte iratte.

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Mattaayo 22:33

Urur la chirri us waha daage ka, saggi us walah mujjum ꞌdooꞌd iabcho weyti kagirmeeste.

Yoohana 7:11

Weynaanti Yaꞌhuud la Yeesso daawtaas goyaka yowatte, ꞌdooꞌd, “Yeesso mehe agarteen?” idowte.

Yoohana 7:13

Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.