Yoohana 7:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Yoohana 7:13 Referans Kwoze

Yoohana 9:22

ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha.

Yoohana 19:38

Yomboka etoo Yuussuf layadeehe ilkerengeetti Arimaꞌdaaya kayimiy, irte Bilaato sar Yeesso daahe. Yuussuf la dagsi ka abatti Yeesso eheet, jeenteti us weynaanti Yaꞌhuud ikarooruu. Amuri Bilaato siiche ka, yimiyye sar Yeesso khaate.

Yoohana 20:19

Gelebti ibeenki oraate teebataas ka, abatti kulante. Minkoo goya iskahidde, iꞌdi tahe weynaanti Yaꞌhuude karoortaa. Iꞌdaasenyi Yeesso goycho tolossate, “Nebeytiin ma furatti,” iyidah.

Bakkaahit 2:13

Inti atin fiddiitaan a garda, a inti Seytaan kombortiisti antoot kakhabo. Iꞌdaasenyi atin uliba rum ka a ikhucchissaan. Maanti eteeyki lakakhuufo Antiiba layadeeh ilkerengeettiinti ween ka inti Seytaan fiddiyo lakayigis laka, atin saggi atin ikakhuuftaan ma ꞌdiiꞌdin. Usu rum ka garteey a laabe.

Yoohana 9:34

Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Yoohana 7:1

ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.

Yoohana 7:11

Weynaanti Yaꞌhuud la Yeesso daawtaas goyaka yowatte, ꞌdooꞌd, “Yeesso mehe agarteen?” idowte.

Yoohana 7:15

Weynaanti Yaꞌhuud, chiꞌche saggi us ꞌdooꞌd walah iabcho daagte ka, weyti girmeysatte, wihi iche worsatte, “Eta injire sukkuul iiran, intoh kharata geeddee kaꞌhele?”