Yoohana 7:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Weynaanti Yaꞌhuud la Yeesso daawtaas goyaka yowatte, ꞌdooꞌd, “Yeesso mehe agarteen?” idowte.

Yoohana 7:11 Referans Kwoze

Yoohana 11:56

Icho tuumman la Yeesso yowtaan. Chirri icho minki Waakhe buure yimaateen ka, wihi icho isworsateen, “Atin maanta kol us daawta yamiite koogtahiin?”

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 7:1

ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.

Yoohana 7:13

Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Yoohana 7:15

Weynaanti Yaꞌhuud, chiꞌche saggi us ꞌdooꞌd walah iabcho daagte ka, weyti girmeysatte, wihi iche worsatte, “Eta injire sukkuul iiran, intoh kharata geeddee kaꞌhele?”

Yoohana 9:12

“Eta intoh kajira?” worsateen. Ulla, “An ma gardi,” iyidah.