Yoohana 6:71 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷¹ Eti us woriis kaayyeedo la a Yuuda Iskaariyoot. Yuuda la a ínam Siimon Iskaariyoot. Iꞌdi tahe Yuuda, chirri us abatti Yeessoti tomon ichoow lammee goya kajiro laka, usu berri Yeesso ꞌdub goocha.

Yoohana 6:71 Referans Kwoze

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Yoohana 13:26

Yeesso wihi us ilaabe, “Etaas, a eti toolla an makaatetoor idiibo inkoo an karam kalugꞌde.” Yeesso ꞌdeerka makaatetoor karam goya kalugꞌde, Yuuda Iskaariyoothi inam Siimone iooge.

Mattaayo 10:2

Ergaanoti tomon ichoow lammee magahenyeticho talla, ki oraat a Siimonhi Beetero layadeeh ichoow walaaliiski Andereeya layadeeh, Yaakoobohi inam Sebedaayee ichoow walaaliiski Yoohana layadeeh,

Mattaayo 10:4

Siimonhi magahiis Yaaftiisꞌdoone layadeeh ichoow Yuuda Iskaariyoot, ki yomboka Yeessó ꞌdub gooche.

Marko 14:10

ꞌDeerka Yuuda Iskaariyoothi ullaka abatti Yeessoti tomon ichoow lammee kichekoowe, kuhaaniyyohi wewween iirte, Yeessó ꞌdub goocha dahanohicho gessaa.

Yoohana 2:2

Yeesso ichoow abattitiis laka oroosaas a liiwahe.

Yoohana 6:64

Iꞌdaasenyi gaasiinkoo uliba ma irummeesti.” A mehe Yeesso uus uumaccho ka ꞌdooꞌdi usu irummeysan ichoow eti ꞌdub soogoocho a garta.

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Yoohana 12:4

Iꞌdaasenyi etoo abatti Yeesseenye, Yuuda Iskaariyoot layadeehe, dowwanoha ka Yeesso ꞌdub soogoocho ꞌdiiꞌde wihi us yidah,

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Yoohana 20:24

Toomashi abattiti tomon ichoow lammee kichokoowenye, duddunkiis Manꞌdaan layadeeh chirri Yeesso abatti isoobahe intaas ma kajirin.