Yoohana 6:68 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶⁸ Siimonhi Beetero layadeeh wihi us ilaabe, “Kamur ayyo addane iiranna? Ati kaldaye yeedi jiroti jirtuu imassan lakeelo khabta.

Yoohana 6:68 Referans Kwoze

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Hilassi Ergaano 4:12

Ribnaanki enenyet et addane lakaꞌhelo mele. A mehe magahoo addane Waakh harra tuumman ka inno karibo ma jiro.”

Hilassi Ergaano 5:20

Wihi iche itidah, “Nyaama, minki Waakhe buure irda, enenyet buuhi wora jiroti husub icheeka.”

Hilassi Ergaano 7:38

Maanti ꞌdooꞌdi Issiraayel hidaad ka iskafurte, Muusahaase leejire. Muusahaase Hali Sinnaay ka, Waakh iꞌdi herti Waakh u isoobahe, leeyyeede. Ulla Waakh ichoow aacchinyeteen dahcho kajire. Muusa la Yeedi Waakhe jirtuu tuumman imassan Waakh kaꞌhele inno laka inno isookucche.

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Marko 8:29

“Iꞌdaasenyi atin la? An a ayyo tadeehiin?” worsate. Beetero wihi us ilaabe, “At a Ki Lasubhe lasugo.”

Luuka 9:20

“Iꞌdaasenyi atin la? An a ayyo tadeehiin?” worsate. Beetero wihi us ilaabe, “At a Ki Lasubhe, a ki Waakh.”

Yoohana 12:49

A mehe an antoheey ma kaayyeedin. Iꞌdaasenyi Aabbaheeyki isooerge iche amur ibahche, wihi an adeeh ichoow saggi an iadeeh isiiche.

Yoohana 12:50

Anna saggi amuriis jiroti jirtuu imassan ikeeno a garda. Toollaka wihi an eldi tuumman a wihi Aabbaheey dah iyidah on.”

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.