Yoohana 6:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 6:40 Referans Kwoze

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Yoohana 6:54

Eti tuummane sarteey yahame diiggeey la damo, etaas jiroti jirtuu imassan a khaba. Anna eta ibeenki ꞌdaꞌddaboot omoot a kasookahcha.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Yoohana 14:19

Geeddoo rucchul ka kola ꞌdooꞌdi harrata toro ma iargo, iꞌdaasenyi atin a iagartaan. Toro jeenteti an ijiruu, atin laka ꞌdee jiro a ꞌhessaan.

Yoohana 12:45

Eti tuummane ani iargo la, ki ani isooerge laka a arga.

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Luuka 2:30

A mehe eti ꞌdoorribo indoheey ka a arge.

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 10:28

ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.

Yuuda 1:21

Geeddi atin jiroti jirtuu imassanne Yeesso Kiriistohi Kamureene uurnugleeliis ka atin siicho sugtaan, ꞌdooninti Waakh atin ikhabo kafiddiya.

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Rooma 5:21

Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Yoohana 12:50

Anna saggi amuriis jiroti jirtuu imassan ikeeno a garda. Toollaka wihi an eldi tuumman a wihi Aabbaheey dah iyidah on.”

Yoohana 8:56

Aburaahamhi aabbahiine laka, emeetteey weyti kahamaade. Ulla goorat archiiy emeetteey a arge, weyti hamaade.”

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Ibiraaniya 11:1

ꞌDooꞌdi Waakh kakhuufo saggi wihi icho ikhajjeelaan isooyateehiine tissibaane, toro la wihi toolla liiargine ubaan.

Ibiraaniya 11:27

Muusa la kakhuufnaanki us Waakh kakhuufe on ka, iche ili Miissiri kabahe, holi karnat hollowe la ma karoorin. Ulla iꞌdoo us Waakkhi liiargin iarge u, yombohi us inokhti ꞌdiiꞌde.

Yoohana 14:17

Waha a Rubeyti Munyeenye rum leh. ꞌDooꞌdi harrata la Rubeyti Munyee ma khaatti. Iꞌdi tahe icho Rubeyta Munyee ma argaane, ommos ma gartaan. Iꞌdaasenyi atin a garattaan, a mehe Rubeyti Munyee toolla a atin leefiddiita, toro berri goytiinna kijirta.

Mattaayo 10:15

Rume atin icheeka, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil ichoow ki ilkerengeetti Goomorah yiil tuse iche deefta sinati Waakh ilkerengeettaas tuso ka.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Yoohana 6:39

Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Yoohana 6:44

Et ani iyamiit mele, sammata Aabbaheeyki ani isooerge ikakeenin. Anna etaas ibeenki ꞌdaꞌddaboot omoot a kasookahcha.

Yoohana 11:24

Maarta wihi iche ilaabte, “Saggi us ibeenki yomboot omoot ikasookaho a garda.”