Yoohana 6:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Yoohana 6:39 Referans Kwoze

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 18:9

Waha la a yadeehe, ꞌdee wihi us ꞌhor yidah buuhicha. Wihi us ꞌhor yidah la a mehe ya, “Aabbahaaw ꞌdooꞌdi at dahanteey soogelisse koo kalday laka ma ikabaabiin.”

Yoohana 6:54

Eti tuummane sarteey yahame diiggeey la damo, etaas jiroti jirtuu imassan a khaba. Anna eta ibeenki ꞌdaꞌddaboot omoot a kasookahcha.

Yoohana 6:44

Et ani iyamiit mele, sammata Aabbaheeyki ani isooerge ikakeenin. Anna etaas ibeenki ꞌdaꞌddaboot omoot a kasookahcha.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Luuka 12:32

“Chaꞌatin iꞌdi woyhoo adi rucchul tahiin laka, roorro akhabina. Iꞌdi tahe wihi Aabbahiin gooche, us hamaad ka dakhiis a atin siicha.

Mattaayo 18:14

Aabbaheeyki serey jiro laka saggaas u, nyaakhuta rurrucchul ichehi koo kalday laka baabo ma ꞌdoono.

1 Beetero 1:5

Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

Yoohana 12:48

Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

Yoohana 5:28

“Waha akagirmeysanna, iꞌdi tahe ibeen a yamiit ki ꞌdooꞌdi tuume tuumman hawwaalo goyaka hooyeey daago,

Mattaayo 10:15

Rume atin icheeka, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil ichoow ki ilkerengeetti Goomorah yiil tuse iche deefta sinati Waakh ilkerengeettaas tuso ka.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 17:6

“ꞌDooꞌdi at harrata ka soobahsatte at isiisse, eti at tahe a abche. ꞌDooꞌda kaahha eheete, at la ani isiisse. Icho la yeedaah a raaheen.

Yoohana 17:9

“Icho a iweesda. ꞌDooꞌdi harra tuumman ma iweesdi, iꞌdaasenyi ꞌdooꞌdi at isiisse iweesda. Iꞌdi tahe icho a wahaahha.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

1 Koriinto 6:14

Waakh la sarteen laka omoot a kasookahcha saggi goorat us miigtiis ka Kamureen omoot ikasookahchuu.

Yaakoobo 5:15

Weysihi saggi Waakh eta khannan isamaacho lakakhuufo la eti khannan a samaachaan. Kamur la etaas ilaali us kajiifo a kasookahcha. Chuꞌus uskeel yeele la, Kamur uskeel a ikakuta.