Yoohana 6:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Yeesso wihi us ilaabe, “Rume atin icheeka, atin jeenteti an wahanyeyyohi miigti Waakh tuso iyeele mee ani iyowattaan. Iꞌdaasenyi jeenteti atin makaate itumheene atin idaragteene ani iyowattaan.

Yoohana 6:26 Referans Kwoze

Fiiliffi 3:19

Waakh ꞌdooꞌda berri a baabiicha. Iꞌdi tahe waakkhicho a uurichooda. Wihi lakhaanyo ikeeno keeylajaane, toro la mali icho khabaan, a ki wahanyeyyohi harrata on.

Fiiliffi 2:21

A mehe ꞌdooꞌdi addan tuumman, wahanyeyyo Yeesso Kiriisto menye ebba wihiissa on yowta.

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

Yoohana 6:2

Ururoo buure la Yeesso raahe, wahanyeyyohi ittaawenye miigti Waakh tuso us haaggicho us ꞌdooꞌdi khakkhannan samaache, iche argeen.

Yoohana 6:24

Inkoo urur saggi Yeesso ichoow abattitiis ba intaas ikajirin kaseen ka, koobano geleene, ilkerengeetti Kafarnaaꞌhum irteen, Yeesso yowtaanee.

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 6:64

Iꞌdaasenyi gaasiinkoo uliba ma irummeesti.” A mehe Yeesso uus uumaccho ka ꞌdooꞌdi usu irummeysan ichoow eti ꞌdub soogoocho a garta.

Yoohana 6:53

Yeesso la wihi us ilaabe, “Rume atin icheeka, sammata atin ínam Aadam sartiis iumhane toro la diiggiis idamin, jiroti rummaat ma khabtaan.

Yoohana 6:47

“Rume atin icheeka, eti tuummane ani irummeesti, jiroti jirtuu imassan a khaba.

Yoohana 6:30

Icho la wihi icho worsateen, “Mehe ꞌdeerka miigti Waakh tusa yeessa ꞌdee kirummeysanna? Mehe yeessa?

Yoohana 6:15

Yeesso la saggi icho miig ka ikhabtaane, icho karnat ikayeelin iꞌdoonaan abte, keley toro haloo inokhte.

Yoohana 6:14

Inkoo ꞌdooꞌd wahanyeyyoha miigti Waakh tuso Yeesso yeele arge ka, ꞌdooꞌd wihi us yidah, “Rumanka, eti goorat Muusa cheeke, ‘Etoo Waákh íyeyyeedo ꞌdee berri harrata a yamiit,’ yidah a kan.”

Yoohana 6:36

Iꞌdaasenyi saggi an orey atin ikiidah u, ‘Atin iagarteene toro la ma irummeysan.’