Yoohana 6:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Chirri iche geeddi kiilomitta chan ommos lih illeh kooban woyte ka, Yeessohi bicche sarcho kasoosohti kooban isoodowwaate agarte, weyti nahte.

Yoohana 6:19 Referans Kwoze

Yoohana 14:18

Saggi nyaakhuti ꞌdooꞌdi dele katuume ma atin ikatabo, a atin isoonokhda.

Bakkaahit 21:16

Ilkerengeetta la ꞌdollohiche tuumman a ekka. Iche la wussa ilkerengeet karerreegte. Ballaaddihiche a kiilomitta alif lamma ichoow kud lamma, segdeerru ka laka a kiilomitta alif lamma ichoow kud lamma. Deeraantiche ichoow segdeerruhiche ichoow ballaaddihiche a ekka.

Bakkaahit 14:20

Gurnaanka sabiib la ilkerengeetti ween kharicheeda lakayabte. Diig intaas gurnaan lakayabte ka ꞌdule, geeddi kiilomitta kud seyyah iꞌdule. Diig la hoggiis geeddi mittatoo ichoow nyuus iche eheet.

Yoohana 11:18

Ilkerengeetti Beꞌdaaniya la geeddi kiilomitta seyyahe ilkerengeetti weene Yeerusaleem ileejirta.

Luuka 24:13

Maalinkaas goya abatti Yeessotoo lammee ilkerengeetti weene Yeerusaleem kabahte, ilkerengeettoo rucchule Emaawus layadeehe geeddi kiilomitta tomon ichoow koow jirto, iche isohatta.

Luuka 9:42

Inam soosohtaayi ginna toro il kaguꞌdubte weyti kaharmisse. Iꞌdaasenyi Yeesso ginna leejaakhe, inam samaache, ooyohi dele dahan gesse.

Yoohana 6:18

Hafaroo miige sookahe, bicche uskulaateen.

Yoohana 6:20

Iꞌdaasenyi wihi us iyidah, “A ani, roorro akhabina!”