Yoohana 6:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Inkoo ꞌdooꞌd wahanyeyyoha miigti Waakh tuso Yeesso yeele arge ka, ꞌdooꞌd wihi us yidah, “Rumanka, eti goorat Muusa cheeke, ‘Etoo Waákh íyeyyeedo ꞌdee berri harrata a yamiit,’ yidah a kan.”

Yoohana 6:14 Referans Kwoze

Mattaayo 21:11

Urur la wihi us laabe, “Kan a eti Waákh íyeyyeedo, Yeesso layadeehe, ilkerengeetti Naasarete boroofenhi Gaalilaaya kajirto kayimiy.”

Hilassi Ergaano 7:37

“Muusaha a ki goorat ꞌdooꞌdi Issiraayel, ‘Waakh ꞌdee berri etiinkoo Waákh íyeyyeedo iꞌdeye a atin isooerga,’ iyidah.

Mattaayo 11:3

Wihi icho Yeesso sooworsateen, “At a Ki Lasubhe lasugo bal etoo addane sugna?”

Yoohana 7:40

Urur goyaka ꞌdooꞌd gaasoo yeeda daage wihi us yidah, “Eta rumanka, a eti Waákh íyeyyeedo goorat Waakh ayyiche, Waakh, ‘A sooerga,’ yidah.”

Yoohana 1:21

Iche la wihi iche worsatte, “At ꞌdeerka a ayyo? At a Eliiya?” Ulla, “Mele,” yidah. “At a eti Waákh íyeyyeedo inno sugno?” worsateen. Wihi us ilaabe, “Mele.”

Yoohana 4:19

Makhaabale wihi iche itidah, “Eti ween, saggi at eti Waákh íyeyyeedo itahe a arga.

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 4:25

Makhaabale la wihi iche itidah, “Saggi Ki Lasubhe Kiriistohi lasugo layadeeh iyamiit a garda. Ulla maanti us yamiit, walah tuumman a inno ibabbakkaahicha.”

Luuka 24:19

Wihi us worsate “Mehe yitah?” Wihi icho ilaabeen, “Wihi Yeessohi Naasaret layeele. Us eti Waákh íyeyyeedo eheet. Yeediis ichoow wahanyeyyohi us Waakh ichoow enenyet tuumman ortiis ka yeele miige khabeen.

Luuka 7:16

Icho tuumman roorro gesse, Waakh saaꞌdeene, “Etoo weene Waákh íyeyyeedo goyteen a yimiy. Waakh a yimiyye ꞌdooꞌdiis gargaara,” yidaaheen.

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

Yoohana 6:2

Ururoo buure la Yeesso raahe, wahanyeyyohi ittaawenye miigti Waakh tuso us haaggicho us ꞌdooꞌdi khakkhannan samaache, iche argeen.

Yoohana 6:26

Yeesso wihi us ilaabe, “Rume atin icheeka, atin jeenteti an wahanyeyyohi miigti Waakh tuso iyeele mee ani iyowattaan. Iꞌdaasenyi jeenteti atin makaate itumheene atin idaragteene ani iyowattaan.

Yoohana 6:30

Icho la wihi icho worsateen, “Mehe ꞌdeerka miigti Waakh tusa yeessa ꞌdee kirummeysanna? Mehe yeessa?

Yoohana 11:27

Iche la wihi iche itidah, “Aa, Kamur, saggi at Ki Lasubhe itahe, at Weeli Waakhe goorat harrata yamiit itahe, a rummeesda.”