Yoohana 6:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Yeesso ꞌdeerka makaateyyo khaate, Waakh kalaꞌd ilaabe, ꞌdooꞌdi intaas fiddiyo geeddi icho ꞌdoonaan gise. Bahag laka iꞌdaas on yeele.

Yoohana 6:11 Referans Kwoze

Yoohana 6:23

Koobanohoo anki ilkerengeetti Tibeeriya kayimiy la yimaateene, inti chele inkoo Kamur Waakh kalaꞌd ilaabe urur fiddiye makaate kayuhum yimaateen.

1 'Dessaloonika 5:18

Walahbaaw atin isoobahe ka, Waakh kalaꞌd ilaaba. Iꞌdi tahe waha a wihi Waakh atinhi atin ichoow Yeesso Kiriisto wohoo kalday tahiin atin iꞌdoono.

Rooma 14:6

Eti tuummane seeroo munyaacho, iꞌdane yeela ꞌdee Kamur inkaanyita. Eti jid yaham la iꞌdane yeela ꞌdee Kamur inkaanyita. A mehe ullaka gololaas ka Waakhe kalaꞌd ilaaba. Eti gololletoo bujo laka iꞌdane yeela, ꞌdee Kamur inkaanyita, toro la Waakh kalaꞌd ilaaba.

Mattaayo 15:36

ꞌDeerka makaateyyohi teebee ichoow bahag khaate, Waakh kalaꞌd ilaabe, jejjebche, abattitiis ididdiibe, abatti la baꞌh gisse.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

1 Koriinto 10:31

ꞌDeerka golossatteey ommos wohoo danteey ka ba, ommos walahbaaw at yeesso ka, waha tuumman saggoo Waakh liikoolicho iyeel.

Hilassi Ergaano 27:35

Baawulo la inkoo us waha yidah ka, makaatetoo sookkhiche, icho tuumman orcho ka Waakh kalaꞌd ilaabe. ꞌDeerka makaate jebche yuhum.

Yoohana 6:9

“Inankoo makaate chan ꞌdargaayye lakahaaggiche, ichoow bahag lamma rurrucchul khabo kalla. Iꞌdaasenyi koloo kalday laka ꞌdooꞌda ittaawe ma yaakhaan.”

Yoohana 21:9

Chirri iche bey afiche eleesse ka, seeꞌddi bolokhto bahag fuulo agarte. Makaate laka intaas a kajirte.

Yoohana 21:10

Yeesso wihi us abatti iyidah, “Bahaggi atin sookhabatteen goyaka, gaasoo sookhaata.”

Yoohana 21:13

Yeesso toro makaate khaate, abatti idiibe, bahag laka toro iꞌdaas on yeele.