Yoohana 5:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Ani anto Aabbahaaya kiimiyye atin la ma ikhaatan, iꞌdaasenyi chirri etoo addan yimiyye antohiissa on kayeyyeedo, atin etaas a khaatattaan.

Yoohana 5:43 Referans Kwoze

Yoohana 10:25

Yeesso wihi us ilaabe, “An orey on atin isoocheeke, iꞌdaasenyi atin ma irummeysan. Wihi ittaawenye weeli enenyet yeelin iubaaꞌdane an antohi magah Aabbaheey ka yeelo, eti an ahe cheekaane,

Mattaayo 24:5

A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi, a agartaane, ꞌdooꞌdi ittaawenye ekkeestaan la.

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Yoohana 12:28

Aabba, magahaah weynaay!” Hooyoo ꞌdeerka serey ka sooyeede, mehe yidah ya, “Magaheey a weynaache, toro la a inokhda weynaacha.”

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Hilassi Ergaano 21:38

At eti ili Miissiri goorat iskarti elif affarenye bir khabto sookahche hidaad leekeene menya?”

Yoohana 5:42

Iꞌdaasenyi an rumanka a atin garda, saggi atin rumanka Waakh iꞌdoonin a garda.