Yoohana 5:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Iꞌdaasenyi an rumanka a atin garda, saggi atin rumanka Waakh iꞌdoonin a garda.

Yoohana 5:42 Referans Kwoze

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

1 Yoohana 3:17

Chirri etoo hoolahi harrata khabo etoo addane koo Kiriisteenye walah laa argo iꞌdaasenyi etaas uur ikasoonugleysan, ꞌdooninti Waakh saggoh goytiis ikijirta?

1 Yoohana 2:15

Taba harrata suuje ichoow wahanyeyyohi harratane sussuuje aꞌdoonina. Eti tuummane wahanyeyyohi harratane sussuuje ꞌdoono, ꞌdooninti Aabbaheen goytiis ma kijirto.

Yoohana 2:25

Walah etoo miinsane usu liicheeko mele, iꞌdi tahe usu rubeytiis uuri weeli enenyet a garta.

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.

Rooma 8:7

A mehe malassi ꞌdooꞌdi wihi uurassicho goya kijiro uskeel imoono a chiiyti Waakh. Malassi iꞌdaase amurreti Waakh ma raahaane, toro la raahin ma yabuuꞌdiin.

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

Yoohana 8:55

Atin injire usu ma garanne, anna usu a garda. Chirri ani, ‘An usu ma gardi,’ an atin iidah, annaka iꞌdiin u eti been lehe ateeh. Iꞌdaasenyi an usu a garda, yeediis la a raaha.

Yoohana 8:47

Eti Waakh kayimiy, Yeedi Waakh a dagansata. Atin la Waakh ma kiimaatan gone, jeentetaase ani nabah ikasudiwwaayteen.”

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Yoohana 5:44

Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”

Luuka 16:15

Yeesso la wihi us icho iyidah, “Atin ꞌdooꞌd ortiis ka a ismujjummoossaane, iꞌdaasenyi Waakh uuriin a garta. Wihi weeli enenyet ortiis ka weyti khumman, Waakh weyti ꞌdiiꞌddanyahe.

Yoohana 5:41

“An weeli enenyet koolo ma kayowdi.

Yoohana 5:43

Ani anto Aabbahaaya kiimiyye atin la ma ikhaatan, iꞌdaasenyi chirri etoo addan yimiyye antohiissa on kayeyyeedo, atin etaas a khaatattaan.