Yoohana 5:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Yoohana 5:39 Referans Kwoze

Luuka 24:27

Yeesso la wihi goorat usu miinsane Chiirnaanneti Waakh goya kachiiran ibabbakkaahiche. Uus buuggag Muusa lakasookhabti ichoowka buuggassi ꞌdooꞌdi Waákh íyeyyeedo chiireen tuumman icheeke.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Hilassi Ergaano 17:11

ꞌDooꞌdi ilkerengeetti Beeroya la iꞌdi ꞌdooꞌdi ꞌDessaloonika menye, a ꞌdooꞌdoo mujjum dogo khabo, weyti wihi liidowo dagansati, Chiirnaanneti Waakh soomo usu wihi Baawulo illeh idoween rum yahiin yeyo.

Mattaayo 22:29

Yeesso wihi us ilaabe, “Atin jeenteti atin wihi Chiirnaanneti Waakh enenyet abisso ichoow miigti Waakh igaran u, jiti baabulenye kijirtaan.

Hilassi Ergaano 13:27

ꞌDooꞌdi ilkerengeetti weene Yeerusaleem ichoow weynaanticho ba Yeesso eti us rumanka yahe ma kasin. Iꞌdaasenyi maanti icho omoot igoocheen, wihi goorat ꞌdooꞌdi Waákh íyeyyeedo chiire, Seeri Lanaso tuumman lasoomo buuhicheen.

Yoohana 5:46

Chirri atin yeed Muusa rummeysatteen, ani laka kootte a irummeysattaan. A mehe Muusa wihi ani imiinsan on chiire.

Rooma 3:2

Rumanka Yaꞌhuudhi layahe indigirti buurenye khaba. Kolooraat wori Waakh yaafohi Yaꞌhuude dahan lagesse.

Marko 12:10

Atin injire waha Chiirnaanneti Waakh ka ma soomin a? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Rooma 1:2

Wora Haaggane goorat archiiy on Waakh ꞌdooꞌdi Waákh íyeyyeedo ka ayyiche, icho la Chiirnaanneti Waakhe munyee goya kachiireen la,

Hilassi Ergaano 26:27

Agiribbahi karnate, at chiirnaanneti ꞌdooꞌdi goorat Waákh íyeyyeedo a rummeysatta? Saggi at irummeysatti a garda!”

Yoohana 7:52

Wihi icho ilaabeen, “Ati laka boroofenhi Gaalilaaya katimiy? Bal Chiirnaanneti Waakh goya tabe, ꞌdee saggi ꞌdooꞌdi Waákh íyeyyeedo koo kalday laka injire boroofenhi Gaalilaaya ikiimaatan abo.”

Yoohana 5:32

Iꞌdaasenyi etoo addane wihi ani imiinsan cheeko a jira. Wihi us atin idowo ani imiinsan runticho a garda.

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Luuka 16:31

“Aburaaham la wihi us ilaabe, ‘Chirri icho amurre Muusa ichoow wihi ꞌdooꞌdi Waákh íyeyyeedo chiire daagiwwaayeen, chirri etoo omoot kasookahe laka uskeelicho ma ꞌdiichaan.’ ”

Ibiraaniya 11:16

Iꞌdaasenyi ili weyti deefo imoonaan. Waha la a goobi Waakh. Maantaka Waakh chirri us a Waakkhichooda liidah us ma kuuryaawo, a mehe usu ꞌdooꞌda ilkerengeet a idise.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

Luuka 16:29

“Aburaaham wihi us ilaabe, ‘ꞌDooꞌdiin, a geeddi us amurre Muusa ichoow wihi ꞌdooꞌdi Waákh íyeyyeedo chiire soomo, icho la wihi liidowo on a daageen.’

Yoohana 1:45

Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

Ibiraaniya 11:35

Deyyeho gaasoo ꞌdooꞌdi hiiyyicheenye tuume omoot lakasookahche, ꞌheleen. ꞌDooꞌd gaasoo bolokkhi buurenye latuse toro furnaanki lasoofuro ꞌdiiꞌde, ꞌdee maanti omoot lakasookahcho ka jirotoo deefto ꞌhelaan.

Luuka 24:25

Yeesso la wihi us iyidah, “Atin eenna a ꞌdalamme, toro eenna kakhuufnaanki atin wihi tuummane ꞌdooꞌdi goorat Waákh íyeyyeedo cheeke kakhuuftaan ka uurassiin a gaꞌdaale!

Yoohana 5:40

Iꞌdaasenyi atin, atinhi ani itamiitiine ꞌdee jiroti rummaat jirtaan a ꞌdiiꞌddeen.

Marko 10:3

Yeesso wihi us ilaabe, “Muusa amuri us atin siiche mehe yadeeh?”