Yoohana 5:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Toro la yeedi weeli enenyete eti an ahe soocheeko, ani ka a walahba. Iꞌdaasenyi waha a atin isoocheeka ꞌdee Waakh atin riba.

Yoohana 5:34 Referans Kwoze

1 Yoohana 5:9

Wihi weeli enenyet inno idowo a rummeysanna. Iꞌdaasenyi wihi Waakh inno idowo weyti kutaan. A mehe wahaas Waakh cheeke Weeliissa miinsanyahiin.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

1 Timooti 4:16

Kol dakkhan jirotaah ichoow wihi at ꞌdooꞌd abisso yaakhiche, weyti la goya yey. Chaꞌat waha yeesso, a isribta ꞌdooꞌdi kidagansati laka ribta.

1 Koriinto 9:22

ꞌDooꞌdi ꞌdabakhe ka la, an a isꞌdabakhnoocha, ꞌdee icho Kiriisto ikeena. An ꞌdooꞌda tuumman iꞌdichooda iskayeele, ꞌdee sagag tuumman ka ꞌdooꞌd gaasoo Kiriisto ikeena.

Rooma 10:1

ꞌDooꞌd Kiriistokaaw, wihi uur weyti iꞌdoono toro la an Waakh daaho, a ꞌdooꞌdi Issiraayele laribo.

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

Yoohana 8:54

Yeesso wihi us ilaabe, “Chirri an iskoolicho, koolohaas walah icho ibahaan mele. Eti koolo iꞌdoono a Aabbaheeyki atin a Waakkhiinna elattaan.

Yoohana 5:41

“An weeli enenyet koolo ma kayowdi.

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Rooma 12:21

Taba giꞌde, suujoon uus atin kahataatine, haag yeela, ꞌdee suujoon sooricha.

Rooma 10:21

Iꞌdaasenyi wihi ꞌdooꞌdi Issiraayel miinsane Waakh yidah a waha, “An maalinki noole goya ween ꞌdooꞌdi yeedeey iraahine, ani itirrimo iche dahanoheey iooge.”

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

Luuka 13:34

“Yeerusaleemoow, ilkerengeetti weenoow, atin ꞌdooꞌdi Waákh íyeyyeedo a tagiisiine, ꞌdooꞌdi Waakh atin isooerge la dagah kachibtaan. Saggi orran lukki weylassiis barbarre goya igessatuu, an geeddi buurenye anihi dahanoheey atin koogoogo ꞌdoone, iꞌdaasenyi atin ma ꞌdoonin!

Yoohana 5:32

Iꞌdaasenyi etoo addane wihi ani imiinsan cheeko a jira. Wihi us atin idowo ani imiinsan runticho a garda.