Yoohana 5:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Yoohana 5:25 Referans Kwoze

Yoohana 5:28

“Waha akagirmeysanna, iꞌdi tahe ibeen a yamiit ki ꞌdooꞌdi tuume tuumman hawwaalo goyaka hooyeey daago,

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Efeesso 2:5

inno ichoow Kiriisto wohoo kaldaye inno kayeele, jiro inno siiche. A mehe jeenteti inno Waakh idaagiwwaaynuu anki Waakh ka a tuunne, iꞌdaasenyi haaggiiski buurenye inno imunneynan ka us a inno ribe.

Yoohana 4:23

Ibeen a yamiite toro la kola a yitah. Ibeenki Rubeyti Waakh ꞌdooꞌd woyto, ꞌdee ꞌdooꞌd Waakh saggi rumanka us iyahe iwahti. Aabbaheey la ꞌdooꞌdi usú saggaas iwahti iche yowta.

Bakkaahit 3:1

“Herti Waakhe keleyenye urur Kiriistoki Sardi itolosso waha ichiir. Ki rubeyohi Waakhe teebee khuccho toro la bakkaalleti teebee khuccho farniinkiis a kan. Wihi atin yeessaan a garda. ꞌDooꞌd kol atin jiro khabtaane koogyahe, iꞌdaasenyi atin a tuunteen.

Yoohana 8:47

Eti Waakh kayimiy, Yeedi Waakh a dagansata. Atin la Waakh ma kiimaatan gone, jeentetaase ani nabah ikasudiwwaayteen.”

Kolossaay 2:13

Atin ꞌhor jeenteti uskeeliin ichoow wihi uurassiin goya kijiro uskeel imoono atin liikabihin u wahanyeyyohi Waakh ka a tuunteen. Iꞌdaasenyi Waakh Kiriisto jiro a atin leesiiche. A mehe Waakh uskeeleen tuumman a inno ikakute.

Efeesso 2:1

Atin ꞌhor anki Waakh ka ꞌdooꞌdi tuume eheet, a mehe atin wahanyeyyohi Waakh a daagiwwaayteene, toro uskeele yeesseen.

Rooma 6:4

Maantaka baattissiyoti inno labaattissiye ka, a iꞌdoo inno Kiriisto leenumuyye toro la inno laleehawwaale. Saggaas goorat Kiriisto Aabbahiis weynaantiis ka omoot ikasookahche, saggaase inno laka toolla jirotoo husub ijirra.

Yoohana 8:43

Kamalda bal, atin a iꞌdoh wihi an atin idowo matah atin igelin? A jeenteti atin wori an atin idowo atin aban iubaaꞌdan.

Yoohana 5:21

Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha.

Luuka 15:24

Iꞌdi tahe inankeeyka a iꞌdoo goorat us yumuyye toolla la a sookahe, goorat a baabe toollaka a soonokhte!’ Sukuuku ꞌdeerka labahche.

Luuka 9:60

Yeesso wihi us iyidah, “ꞌDooꞌdi tuume lamaaꞌdo a hili ꞌdooꞌdi tuume. Iꞌdaasenyi at iro wori dakhi Waakh miinsan ꞌdooꞌd icheek.”

Yoohana 4:21

Yeesso wihi us makhaabál iyidah, “Makhaabassa, wihi an kidowo rummeyso. Ibeen a yamiit ki enenyet hala ommos ilkerengeetti weene Yeerusaleem Aabbaheey ikawahanne, meelbaaw us kijiro on ka wahti.

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Yoohana 17:1

Inkoo Yeesso waha yidah ka, serey yeye, Waakh wahte, wihi us yidah, “Aabba, ibeen a yitah. Weelaah weynaay, ꞌdee Weelaah a kiweynaacho.

Yoohana 13:1

Geeddi ibeenki daawti Baasakka iitaahan, Yeesso saggi ibeenki us harrata katabo, us Aabbahiis iirti kola iyitah garte. Yeesso la ichoowka maanti jirotiisti harrata soomassatti laka, ꞌdooꞌdiis a ꞌdoone.

Yoohana 6:60

ꞌDooꞌdi ittaawenye Yeesso raaho waha daage wihi us yidah, “Yeeda weyti miigyahe. Ayyo nabah isuda?”

Yoohana 9:27

Wihi us ilaabe, “An a atin isoocheeke, atin la ma daagtaan. A iꞌdoh toro daagin iꞌdoontaan? Atin laka sarka atinhi abattitiis tateehiine ꞌdoontaan?”