Yoohana 5:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

Yoohana 5:23 Referans Kwoze

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.

Luuka 10:16

“Eti nabah atin isudo, ani nabah isuda. Eti atin ꞌdiiꞌdo la ani iꞌdiiꞌda. Iꞌdaasenyi eti ani iꞌdiiꞌdo, eti isooergate ꞌdiiꞌda.”

2 Yoohana 1:9

Eti tuummane wihi Kiriisto ꞌdooꞌd abche iraahine, wihi awtiis kakhaye, Waakh ma khabo. Eti tuummane orey isohti wihi Kiriisto ꞌdooꞌd abche khuccho, Waakkhi Aabbaheene ichoow Weeli Waakh ba a khaba.

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Ibiraaniya 1:6

Toro la Waakh maanti us teyyankiis harrata isooerge wihi us yidah, “Herti Waakh tuumman usu a wahatti.”

Efeesso 6:24

Waakh ba ꞌdooꞌdi tuummane Yeesso Kiriistohi Kamureene ꞌdooninti imassan ka ꞌdoono imaala.

2 Beetero 3:18

Iꞌdaasenyi haaggi Waakhe buure ichoow abanti atin Yeesso Kiriistohi Kamureenenye ꞌDoorribeheene abattaan ka weynaada. Toolla ichoow jirtuu tuummamba us ba koolo ꞌhela! Aamiin.

Rooma 8:9

Iꞌdaasenyi Rubeyti Waakh goytiinna fiddiita gone, ꞌdeerka wihi uurassiin goya kijiro uskeel imoono ma atin antaane, Rubeyti Waakhe atin anatta. Eti tuummane Rubey Kiriisto ikhabin koo Kiriisto mee gon.

1 Koriinto 10:31

ꞌDeerka golossatteey ommos wohoo danteey ka ba, ommos walahbaaw at yeesso ka, waha tuumman saggoo Waakh liikoolicho iyeel.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Yoohana 16:14

Rubeyti Munyee saggane ani iweynaassa, wihi an adeehe sookhaatta, atin isoocheekta.

1 Koriinto 6:19

Atin saggi sartiin iꞌdi minki Rubeyti Munyeenye Waakh atin siiche goya fiddiito itahe ma garattaan a? Atin kiin menye, atin a ki Waakh alah.

Mattaayo 12:21

Magahiis ka yaafo tuumman khajjeel a khabaan.”

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

2 Koriinto 5:19

Wihi an eldi a waha, Waakh Kiriisto ka ꞌdooꞌdi harrata ankiissa keene. Ulla uskeelicho ma ekkaacho. Toro la hili us nah korche a ki nah saggi usu weeli enenyet ankiis ikeeno nah cheekno.

2 Koriinto 1:9

Rumanka uureenyo goyaka a iꞌdoo omoot nah liigooche, ꞌdee awteenyo menye Waakkhi ꞌdooꞌdi tuume omoot kasookahcho on kakhuufna.

1 Koriinto 1:3

Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Yoohana 14:1

Yeesso toro wihi us abattitiis iyidah, “Amalalina, Waakh kakhuufa, ani laka ikakhuufa.

Mattaayo 10:37

“Eti tuummane ooyohiis ichoow abartiis ꞌdiriheey ꞌdoono, abattiteey ma imaline, toro la eti tuummane yeeletiis ommos albehiis ꞌdiriheey ꞌdoono, abattiteey ma imalin.

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

1 Koriinto 16:22

Eti tuummane Kamur iꞌdoonin, a falanyahe! Kamuroow dowwa soonokho!

Rooma 15:12

Toro la, wihi Isaaya yidahye Kiriisto miinsan kallaayo, “Eti hiiy Yeessee a yamiite, ulla ꞌdooꞌdi yaafohi Yaꞌhuud ieheynane dakhta. Icho la usu khajjeel kakhabaan.”

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Yoohana 17:10

ꞌDooꞌdi tuummane an khabo a kaahha, ꞌdooꞌdi tuummane at khabto la a kaaya. Icho ka la ani a liiweynaache.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Mattaayo 15:8

“ ‘ꞌDooꞌda af on ka ikoolicha iꞌdaasenyi uuricho goyaka foga ileejiraan.