Yoohana 5:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha.

Yoohana 5:21 Referans Kwoze

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.

Hilassi Ergaano 26:8

Atinhi Yaꞌhuude, saggi Waakh ꞌdooꞌdi tuume omoot ikasookahcho wohoo liiubaaꞌdan iigoonna!”

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

1 Koriinto 15:45

ꞌDeerka wihi chiiran, “Eti oraate Aadam layadeeh, eti noole eheet.” Iꞌdaasenyi, Aadamhi ꞌdaꞌddaboot a Rubeyti enenyet jiro siisso.