Yoohana 5:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.

Yoohana 5:18 Referans Kwoze

Yoohana 10:33

Wihi icho ilaabeen, “Jeenteti haagga at yeesse mee dagah ikaasaano, iꞌdaasenyi a jeenteti at igafte. Iꞌdi tahe at a weeli enenyet one, toro Waakhe iskaayyeessa.”

Yoohana 10:30

Ani ichoow Aabbaheey a koo kalday.”

Yoohana 19:7

Weynaanti Yaꞌhuud tirriinsatte wihi iche tidah, “Nah amuri eti iꞌdee a layigaase yadeeh a khabna. A mehe us, ‘Aní Weeli Waakhe,’ iche essa.”

Yoohana 8:58

Yeesso wihi us ilaabe, “Rume atin icheeka, geeddi Aburaaham ijirin laka an a jira on.”

Yoohana 14:23

Yeesso la wihi us ilaabe, “Eti tuummane iꞌdoono, wihi an abcho a raaha. Aabbaheey usu a ꞌdoona. Aabbaheey ichoow ani usu a inamiite fureenyo goytiis kayeelanna.

Yoohana 5:23

ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

Fiiliffi 2:6

Us sagag dakkhan ka iꞌdi Waakhe eheete, eheetteey laka us wihi usu muꞌdane Waakh ekkatiis kayeelo ma kadagin.

Bakkaahit 22:3

Falohi Waakh kola ilkerengeet goya ma kijiraan. Komborti antoote Waakh ichoow Heleem leeyahiin ilkerengeet goya kajirta, falfayyohi Waakh la intaase Waakh ikahilaan.

Bakkaahit 22:1

ꞌDeerka herti Waakh hawti ꞌdusso bicchehiche jiro lakeelo, bicchehiche weyti warraakhyahiin itusse. Hawta la komborti antoote Waakh ichoow Heleem leeyahiine katamiit.

Yoohana 8:54

Yeesso wihi us ilaabe, “Chirri an iskoolicho, koolohaas walah icho ibahaan mele. Eti koolo iꞌdoono a Aabbaheeyki atin a Waakkhiinna elattaan.

Yoohana 7:19

Muusa amurre ma atin siinna? Iꞌdaasenyi etiin amurretaas raaho mele. A iꞌdoh ani ogoos imarantaan?”

Yoohana 7:1

ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.

Yoohana 5:16

ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse.

Yoohana 14:9

Yeesso wihi us ilaabe, “Fiilif, geeddi deere atin tuumman atin leejire, toro ichoow uliba at ma iaban ba? Eti tuummane ani iarge, Aabbaheey a arge. A iꞌdohe toro, ‘Aabbahaah nah tus,’ ielatta?

Mattaayo 12:5

Atin injire Amurre ka saggi kuhaaniyyo chiꞌicho minki Waakhe buure ka Seeri Lanaso hil haaggichaan, seera ibiꞌdirroochaane, iꞌdaasenyi icho uskeel iyeelin ma soomin a?

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 5:15

Makhaabal irte, ꞌdooꞌdi Yaꞌhuude wewween saggi eti goorat samaache Yeesso iyahe icheeke.

Yoohana 5:17

Yeesso la wihi us iyidah, “Aabbaheey kol dakkhan hil a haaggicha, annaka iꞌdiis u hile haaggicha.”