Yoohana 5:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse.

Yoohana 5:16 Referans Kwoze

Yoohana 15:20

Wihi an atin iidah kasooꞌhela, ‘Falfá kamuriche kaween mele.’ Chirri ꞌdooꞌdi harrata ani sina iomhicho, atin laka sina a atin omhichaan. Chirri icho wihi an abche raaheen la, wihiin laka a raahaan.

Yoohana 10:39

ꞌDooꞌd toro Yeesso khaban leheete, iꞌdaasenyi ꞌdooꞌd goya tabe kabahsate.

Yoohana 7:25

ꞌDooꞌdoo ilkerengeetti weene Yeerusaleem wihi us yidah, “Us eta, eti weynaane ogoos maranto menya?

Yoohana 5:13

Eti lasamaache la, eti us yahe ma garti. A mehe ururi buurenye intaas kajire, Yeesso la urur goya tabe.

Luuka 6:11

Iꞌdaasenyi sirgoweene, iꞌdi icho Yeesso yadeehiin isworsan sookhabteen.

Marko 3:6

ꞌDeerka Farissaayo bahte, ꞌdooꞌd ꞌHerood iiratte, chirraas on jiti icho Yeesso kayagiisiin kamasseen.

Mattaayo 12:13

ꞌDeerka wihi us et iyidah, “Dahantaah fiti.” Et dahan ficche, dahane toro tuum haagsatte, iꞌdi ti addan titah.

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 5:10

ꞌDeerka ꞌdooꞌdi wewweene Yaꞌhuud wihi us etaas lasamaache iyidah, “Maanta a Seeri Lanaso, amurre ilaalaahki at siꞌddo a ꞌdiiꞌddantahe.”

Yoohana 5:15

Makhaabal irte, ꞌdooꞌdi Yaꞌhuude wewween saggi eti goorat samaache Yeesso iyahe icheeke.

Yoohana 5:17

Yeesso la wihi us iyidah, “Aabbaheey kol dakkhan hil a haaggicha, annaka iꞌdiis u hile haaggicha.”

Yoohana 5:18

Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.

Yoohana 7:21

Yeesso la wihi us icho iyidah, “Wohoo kaldaye weeli enenyet yeelin iubaaꞌdane yeele, atin tuumman la girmeysatteen.