Yoohana 5:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Makhaabal irte, ꞌdooꞌdi Yaꞌhuude wewween saggi eti goorat samaache Yeesso iyahe icheeke.

Yoohana 5:15 Referans Kwoze

Yoohana 4:29

“Kaaleya eti wihi tuummane goorat an yeele isoocheeke arga. Eta a geeddi us Ki Lasubhe yahe?”

Yoohana 9:34

Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.

Yoohana 9:30

Et la wihi us ilaabe, “Enenne waha a girmo! Atin eta inti us kayimiy ma garattaane, ulla indoheey a ihaaggiche!

Yoohana 9:25

Et wihi us ilaabe, “Uskeel khabyeey ichoow kuus ka ba an ma gardi. Wohoo kalday on garda. An ꞌhor indo ma khabo, iꞌdaasenyi toolla il a arga.”

Yoohana 9:15

Farissaayo toro saggi us il iarge worsatte, ulla wihi us ilaabe, “Et doobbotoo indoheey kawelweele, anna fool dikhde. Toolla la il a arga.”

Yoohana 5:12

ꞌDeerka wihi iche worsatte, “Eta, ‘Ilaalaah okhso, soho,’ kiidah, a ayyo?”

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Marko 1:45

Iꞌdaasenyi etaas irte, enenyet tuumman yeedaas icheeke, woraas taaꞌhiche. Yeesso saahka jeentetaas u chiꞌ laargo ilkerengeet gelin ma yabuuꞌd, iꞌdaasenyi hidaad on fiddiya. Eheetteey laka, enenyet Yeesso ma ꞌdiicho, ꞌdollo tuumman ka a iyamiit on.

Yoohana 5:10

ꞌDeerka ꞌdooꞌdi wewweene Yaꞌhuud wihi us etaas lasamaache iyidah, “Maanta a Seeri Lanaso, amurre ilaalaahki at siꞌddo a ꞌdiiꞌddantahe.”

Yoohana 5:16

ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse.

Yoohana 5:18

Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.