Yoohana 5:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ ꞌDeerka ꞌdooꞌdi wewweene Yaꞌhuud wihi us etaas lasamaache iyidah, “Maanta a Seeri Lanaso, amurre ilaalaahki at siꞌddo a ꞌdiiꞌddantahe.”

Yoohana 5:10 Referans Kwoze

Yoohana 9:16

Farissaayotoo la wihi iche tidah, “Eti waha yeele Waakh ma kiimaatan, iꞌdi tahe amuri Seeri Lanaso ma raaho.” Iꞌdaasenyi gaasoo wihi icho worsateen, “Saggoh eti uskeel leh, wahanyeyyoha miigti Waakh tuso iyeela?” ꞌDeerka seley goote.

Luuka 6:2

Farissaayotoo la wihi iche worsatte, “Atin a iꞌdoh Seeri Lanaso ka wihi amurre ꞌdiiꞌddantahe iyeessaan?”

Luuka 13:14

Jeenteti Yeesso makhaabassa Seeri Lanaso isamaachuu, eti minki weysiite Yaꞌhuud itoollo weyti hollowe. Ulla wihi us ꞌdooꞌd iyidah, “Ibeen lih enenyet hiliis haagsati a jirta. Eti khannan ꞌdeerka ibeenneta lihe goyaka a yimaate a lasamaacho, Seeri Lanaso mee.”

Marko 3:4

Yeesso ꞌdeerka wihi us icho worsate, “Seeri Lanaso ka, wihi haaggane layeelo ichoow suujoonki layeelo koh amurreteen israahaan? Jiroti enenyete laribo israahaan bal enenyeti layagiis?” Iꞌdaasenyi gammadicheen.

Marko 2:24

Farissaayo wihi iche Yeesso itidah, “Yey, abattitaah a iꞌdoh Seeri Lanaso ka wihi amurre ꞌdiiꞌddantahe iyeessa?”

Yoohana 5:16

ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse.

Yoohana 7:23

Chirri yeele Seeri Lanaso lakhandiyo, ꞌdee amurre Muusa liijebin, a iꞌdohe jeenteti an Seeri Lanaso enenyet sartiis tuumman isamaachuu ihollowtaan?

Luuka 23:56

ꞌDeerka goob inokhteene miricchi ichoow geeyohi uyuuggee tuumman tannabicheen. Waha la a wihi icho sar Yeesso kadowaan. Iꞌdaasenyi Seeri Lanaso ka naseen iꞌdi amur iꞌdoonuu.

Mattaayo 12:10

Etoo dahane hanjaawte la intaas a kijire. Farissaayotoo la intaas goya kijirta, wohoo icho Yeesso kacheektaane yowtaane, ꞌdeerka wihi icho Yeesso worsateen, “Amurre ichoow eti Seeri Lanaso ka lasamaacho a israahaan?”

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 5:11

Iꞌdaasenyi wihi us ilaabe, “Eti isamaache mehe iyidah ya, ‘Ilaalaah okhso, soho.’ ”

Yoohana 5:15

Makhaabal irte, ꞌdooꞌdi Yaꞌhuude wewween saggi eti goorat samaache Yeesso iyahe icheeke.