Yoohana 4:53 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵³ Aabbahiis la chirraakka saggi wahaas sahaꞌddi chele Yeesso, “Nyaam, inankaah a samaataa,” ikayidah itahe, abte. ꞌDeerka usu ichoow minkiis tuummamba Yeesso rummeesteen.

Yoohana 4:53 Referans Kwoze

Luuka 19:9

Yeesso la wihi us Sakkaayo ilaabe, “Gooba maalinka Waakh a ribe. Iꞌdi tahe eta laka rumanka a hiiy Aburaaham.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 16:34

Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Hilassi Ergaano 16:15

Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

Hilassi Ergaano 2:39

Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”

Mattaayo 8:13

Yeesso ꞌdeerka wihi us etaas koobbintoo iskareet itoollo iyidah, “Nyaam goob iro. Saggi Waakh ilbooyaah isamaacho a rummeysatte gone, Waakh usu a samaacha.” Ilbooyi etaas iskareete ween la chirraas on samaate.

Yoohana 4:52

Ulla ilbooyye sahaꞌddi inam kasoodeefsate worsate. Iche la wihi iche ilaabte, “Chele sahaꞌddoo kaldaye chirdeereete kuleel kabukkhe.”

Yoohana 4:51

Jit raahaayi, ilbooyyetiis usu ꞌhesse, saggi inankiis isamaate icheekte.