Yoohana 4:48 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁸ Yeesso la wihi us iyidah, “Atin sammata atin wahanyeyyohi miigti Waakh tuso ichoow girmo iargin ma irummeysattaan.”

Yoohana 4:48 Referans Kwoze

Yoohana 20:29

Yeesso chirraakka wihi us iyidah, “At jeenteti at ani iagarte iche irummeysatte? Waakh ꞌdooꞌdi ani iargine irummeeste, a imaala.”

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

1 Koriinto 1:22

ꞌDooꞌdi Yaꞌhuud wahanyeyyohi miigti Waakh tuso marma, ꞌdooꞌdi Giriig la kol dakkhan yeedi khara daagin ꞌdoona.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Yoohana 12:37

Chirri Yeesso wahanyeyyoha miigti Waakh tuso tuumman geedda ꞌdooꞌd leejiro us yeele laka, ꞌdooꞌd usu ma rummeysan.

2 Koriinto 12:12

Goytiin ka wihi eti ergaanee tuso iꞌdi maanta wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdan garrahsihi buure ka a layeele.

Rooma 15:19

Ulla miigti Rubeyti Munyee ka wahanyeyyohi miigti Waakh tuso ichoow wihi weeli enenyet yeelin iubaaꞌdan ba yeele, icho Waakh iwoye. Iꞌdaas ka la ani Wori Haaggane Kiriisto miinsan tuume cheeke. Ilkerengeetti weene Yeerusaleeme kasookhabde ichoowka ili Iliriiko eleeliche.

Hilassi Ergaano 14:3

Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen.

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Hilassi Ergaano 2:43

Ergaano girmo ichoow wahanyeyyohi miigti Waakh tuso haaggisse, enenyet tuumman la roorro gesse.

Yoohana 2:18

ꞌDeerka ewweenki yaafohi Yaꞌhuud wihi us Yeesso worsate, “Wahanyeyyohi miigti Waakh tuso at nah tusso ꞌdee saggi rumanka Waakh antohi at waha kayeesse kisiiche iagarro a mehe?”

Luuka 16:31

“Aburaaham la wihi us ilaabe, ‘Chirri icho amurre Muusa ichoow wihi ꞌdooꞌdi Waákh íyeyyeedo chiire daagiwwaayeen, chirri etoo omoot kasookahe laka uskeelicho ma ꞌdiichaan.’ ”

2 'Dessaloonika 2:9

Emeetti eta amurre tuumman ꞌdiiꞌddan ichoow hili Seytaan haaggicho a israahaan. Wihi beenaate us enenyet tuso a waha, wihi ittaawenye weeli enenyet yeelin iubaaꞌdan ichoow wahanyeyyohi miigti Waakh tuso ichoow girmo.

Hilassi Ergaano 15:12

Chirra Baawulo ichoow Barnaba wahanyeyyohi miigti Waakh tuso ichoow girmohi Waakh icho ka yaafohi Yaꞌhuud ieheynan iyeele cheekaan ka nabah isudeene, urur tuumman ba rukkuy gooche.

Hilassi Ergaano 7:36

Muusahaase ꞌdooꞌd ili Miissiri kasoobahche. Usuhaas on guꞌh tomon affar tuummamba girmo ichoow wahanyeyyohi miigti Waakh tuso ili Miissiri ka ichoow Beyti Buurenye Guuꞌddan ka ichoow hidaad ka haaggiche.

Hilassi Ergaano 6:8

Isiteefano weyti haaggi Waakhe buure ichoow miige buuhicheen. Ulla girmohi buure ichoow wahanyeyyohi miigti Waakh tuso ꞌdooꞌdi Yaꞌhuud goyaka haaggiche.

Hilassi Ergaano 5:12

Ergaano ꞌdooꞌd goyaka wahanyeyyohi ittaawenye miigti Waakh tuso ichoow girmo yeesse. ꞌDooꞌdi Kiriisto rummeeste tuumman la orran Oosim Soolomone kakulma.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Hilassi Ergaano 2:19

Inti saraat ka an girmo yeela, harra ka wahanyeyyohi miigti Waakh tuso yeela, diig a khubta, ꞌdab ichoow uunki buure la harra ka kahaan.

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

Luuka 10:18

Yeesso wihi us ilaabe, “Aa, a rum! Ani Seytaanki iꞌdi bakkaal u serey kasoodihe a arge.

Mattaayo 27:42

“ꞌDooꞌdi addan a ribe, iꞌdaasenyi isribin ma yabuuꞌd. Usu a karnati Issiraayel a? ꞌDiicha toolla massalaaba a kasooyago, ꞌdee usu a rummeysanni,” esseen.

Mattaayo 16:1

Farissaayotoo ichoow Sadukaayotoo Yeesso itimiy usu angey gelin ꞌdoontaa. ꞌDeerka wohoo goobi Waakh kayimiyye miigti Waakh tuso daahte.

Yoohana 4:49

Eti sirgaal ka ween la wihi us iyidah, “Eti ween, bal kaale dowwa a khubanni, inankeey geeddi us iumaatan samaay.”