Yoohana 4:46 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁶ Yeesso toro ilkerengeetti Kaana boroofenhi Gaalilaaya kajirto us bicche kuurgiyiche farsoti sabiib kayeele inokhte. Ilkerengeetti Kafarnaaꞌhum ka la, etoo sirgaal ka weene inankiis weyti khannanyahe a jira.

Yoohana 4:46 Referans Kwoze

Luuka 8:42

Iꞌdi tahe inanti kaldaye us khabo, guꞌh tomon ichoow lamma khabto, iche omoottan. Geeddi Yeesso sohti la ꞌdooꞌd ꞌdollohiis tuumman ka a ishude.

Luuka 7:2

Etoo koobbintoo iskareet itoollo la ilbooyiiskoo us weyti ꞌdoono weyti khannanyahe, a omoottanyahe.

Mattaayo 15:22

Makhaabassoo Yaꞌhuud ieheynane ilaas taal, timiyye riirte, “Kamur, Inam Dawuud, uur isoonugleyso! Inanteey ginnati dakhatti ka weyti sina taham,” itidah.

Mattaayo 9:18

Yeesso urur leeyyeedaayi, etoo minki weysiite Yaꞌhuud iween yimiyye, ortiis ka jilbo il kaguꞌdde wahte wihi us yidah, “Inanteey toolla dow on bujje, iꞌdaasenyi kaale dahantaah kaꞌdaare, ꞌdee jiro a ꞌhesso.”

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Mattaayo 4:13

Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte.

Luuka 4:23

Yeesso la wihi us ꞌdooꞌd ilaabe, “Rumanka mammahta a isoocheektaan, ‘Ilkitarri issamaay! Wihi weeli enenyet yeelin iubaaꞌdane nah daagne at ilkerengeetti Kafarnaaꞌhum ka yeesse, ilkerengeettiin ka yeel.’ ”

Yoohana 2:12

ꞌDaꞌddaboka Yeesso abartiis ichoow walaalinyetiis ichoow abattitiis khabaayi ilkerengeetti Kafarnaaꞌhum ikhubte, intaas ibeennetoo fiddiye.