Yoohana 4:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Inkoo Yeesso intaas ibeen lamma barye ka, anki boroofenhi Gaalilaaya tabe.

Yoohana 4:43 Referans Kwoze

Rooma 15:8

A mehe wihi an atin icheeko, Kiriisto falfati yaafohi Yaꞌhuude khandiiti iche yitah. Falfatichoti us yitah ka la, saggi Waakh liikakhuufo us ayyinti us aacchinyeteenti oraat igooche irummaache iche tusa.

Yoohana 4:40

ꞌDeerka chirri ꞌdooꞌdi Saamariya Yeesso iyimiy ka, hawwaasteene, “Kaale nah leefiddiy,” iyidaaheen. Yeesso la ibeen lamma intaas barye.

Mattaayo 4:13

Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte.

Yoohana 4:46

Yeesso toro ilkerengeetti Kaana boroofenhi Gaalilaaya kajirto us bicche kuurgiyiche farsoti sabiib kayeele inokhte. Ilkerengeetti Kafarnaaꞌhum ka la, etoo sirgaal ka weene inankiis weyti khannanyahe a jira.

Yoohana 1:42

Ulla Siimon Yeessó ikeene. Yeesso la yeye wihi us iyidah, “At a Siimonhi ínam Yoohanee menya? Magahaah kola Keefas iche layadeeh.” Ayta chirri lalaabe a Beetero ommos Daddaab.

Yoohana 4:44

Yeesso rubeytiis ꞌhor mehe yidah ya, “Eti Waákh íyeyyeedo, ilicho ka ma liinkaanyito.”