Yoohana 4:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Yoohana 4:34 Referans Kwoze

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Yoohana 5:30

Awteey u walah an yeelo mele, iꞌdaasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho iꞌdaasenyi ki isooergate kahamaadicha.

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Yoohana 19:30

Chirri us farsota surrukhe ka Yeesso wihi us yidah, “Walah tuumman a massateen.” Wahaas ka matah soolugꞌde, rubey gooche.

Mattaayo 26:39

Iꞌdaaru orey isohte, il isiꞌdiiche, fool harra kaꞌdaare, Waakh wahte wihi us yidah, “Aabbahaaw, chiꞌiche tateeh kokkooba sinayyoot a liikakhaato! Iꞌdaasenyi in an ꞌdoono menye, in at ꞌdoonto on a titaahe.”

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Yoohana 4:32

Iꞌdaasenyi wihi us ilaabe, “An gololi atin wihiiskoo rucchul laka igaran a khaba.”

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Hilassi Ergaano 20:35

Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”

Yoohana 6:33

A mehe gololi Waakh ꞌdooꞌd siicho a eti goobi Waakh kayamiite, weeli enenyete harrata jiroti jirtuu imassan siicho.”

Mattaayo 3:15

Iꞌdaasenyi Yeesso wihi us ilaabe, “Toolla iꞌda on a titaahe. A mujjum chiꞌinno iꞌda yeello, ꞌdee mali fissane Waakh buuhinno.” Yoohana ꞌdeerka wihi Yeesso iyidah ayyiche, baattissiye.

Luuka 2:49

Yeesso la wihi us worsate, “A iꞌdoh iyowattaan? Saggi an min Aabbaheey ifiddiyo ma garattaan a?”

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 19:28

Yeesso chirraakka saggi wihi goorat yateeh tuumman iyitaaheen garte. Ulla saggi us wihi Chiirnaanneti Waakh tadeeh ibuuhichuu, wihi us yidah, “An a subgaade.”

Mattaayo 9:19

Yeesso tolossate, abattitiis khabaayi makhaabal raahe.