Yoohana 4:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ “Kaaleya eti wihi tuummane goorat an yeele isoocheeke arga. Eta a geeddi us Ki Lasubhe yahe?”

Yoohana 4:29 Referans Kwoze

Bakkaahit 22:17

Rubeyti Waakh ichoow nyarnyaar ba wihi icho Yeesso idowaan, “Amiit!” Eti tuummane wora daage laka Yeesso, “Amiit!” a iyidaahe giꞌde. Eti tuummane sugub khabo a yimaate. Eti tuummane ꞌdoono la, biccheha jiro lakaꞌhelo iꞌdaanu enenyet lasiicho a yubhaabe.

Yoohana 4:25

Makhaabale la wihi iche itidah, “Saggi Ki Lasubhe Kiriistohi lasugo layadeeh iyamiit a garda. Ulla maanti us yamiit, walah tuumman a inno ibabbakkaahicha.”

Yoohana 7:31

Iꞌdaasenyi urur goyaka ꞌdooꞌdi ittaawe Yeesso rummeeste, wihi icho yidaaheen, “Ki Lasubhe maanti us yamiit, wahanyeyyohi ittaawenye miigti Waakh tuso eta yeele kussan a yeela?”

Yoohana 7:26

Ulla kalla ꞌdow kayeyyeeda, weynaanti Yaꞌhuud la walah iche itadeeh mele. Sarka saggi rumanka us Ki Lasubhe iyahe garatta?

Mattaayo 12:23

Enenyet tuumman girmeeste wihi us yidah, “Eta sarka a weel Dawuud a?”

Yoohana 4:28

Makhaabale ꞌdirihicheki biccheet katabte, ilkerengeet inokhatte, wihi iche ꞌdooꞌd itidah,

Yoohana 4:30

ꞌDooꞌd ilkerengeet kasoobahe, Yeesso iyimiy.

Yoohana 4:39

Jeenteti kootte makhaabale, “Eta wihi goorat an yeele tuumman a isoocheeke,” itidah u, ꞌdooꞌdi Saamariya ilkerengeettaas yaal ki ittaawe Yeesso rummeeste.