Yoohana 4:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Makhaabale la wihi iche itidah, “Saggi Ki Lasubhe Kiriistohi lasugo layadeeh iyamiit a garda. Ulla maanti us yamiit, walah tuumman a inno ibabbakkaahicha.”

Yoohana 4:25 Referans Kwoze

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 4:29

“Kaaleya eti wihi tuummane goorat an yeele isoocheeke arga. Eta a geeddi us Ki Lasubhe yahe?”

Mattaayo 1:16

Yaakoobo la Yuussuf dele, Yuussuf la a makhaábal Maariyati Yeessohi Ki Lasubhe layadeeh desse.

Yoohana 4:39

Jeenteti kootte makhaabale, “Eta wihi goorat an yeele tuumman a isoocheeke,” itidah u, ꞌdooꞌdi Saamariya ilkerengeettaas yaal ki ittaawe Yeesso rummeeste.

Mattaayo 27:17

Inkoo ꞌdeerka icho urureen ka, Bilaato wihi us icho worsate, “Ayyo atin isoofura ꞌdoontaan, Barraba bal Yeessohi Ki Lasubhe layadeeh?”

Mattaayo 27:22

Bilaato wihi us worsate, “ꞌDeerka Yeessohi Ki Lasubhe layadeeh iꞌdoh idaahe?” Icho tuumman la wihi icho ilaabeen, “Massalaaba kakaah.”

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!