Yoohana 4:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Yeesso wihi us makhaabál iyidah, “Makhaabassa, wihi an kidowo rummeyso. Ibeen a yamiit ki enenyet hala ommos ilkerengeetti weene Yeerusaleem Aabbaheey ikawahanne, meelbaaw us kijiro on ka wahti.

Yoohana 4:21 Referans Kwoze

1 Timooti 2:8

Wihi an ꞌdoono, inti atin kakulantaane Waakh kawahattaan tuumman ka, mejel jiroti munyeenye us jiro ka Waakh dahano a ioogo a weesti. Chiꞌicho weestaan la, iicho uuricho ka hol khabine ommos iriir khabin.

Efeesso 2:18

A mehe Kiriisto ka, innohi Yaꞌhuude ichoow yaafohi addan ba, Rubeyta Munyee ka, Waakkhi Aabbaheenenye inno leeyyeeno a muꞌdannahe.

Yoohana 4:23

Ibeen a yamiite toro la kola a yitah. Ibeenki Rubeyti Waakh ꞌdooꞌd woyto, ꞌdee ꞌdooꞌd Waakh saggi rumanka us iyahe iwahti. Aabbaheey la ꞌdooꞌdi usú saggaas iwahti iche yowta.

Mattaayo 18:20

Wihi tahe inti et lamma ommos et seyyahe jeenteti icho abattiteey iyahiin u kakulmeen, an goycho a kijira.”

Efeesso 3:14

Ani la jeenteti waha tuumman u, Waakkhi Aabbaheene ortiis ka jilbo il kaguꞌdda, Waakkhi Aabbaheene atin iwaha.

Yoohana 16:32

Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira.

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Yoohana 5:28

“Waha akagirmeysanna, iꞌdi tahe ibeen a yamiit ki ꞌdooꞌdi tuume tuumman hawwaalo goyaka hooyeey daago,

1 Beetero 1:17

Atin Waakkhi Aabbaheenenye enenyet seley isassaahine ebba wihi us yeelo on ka hukkumo wahattaan gone, taba geeddi atin harrata ka jirtaan tuumman usu inkaanyita.

Hilassi Ergaano 6:14

Usuhi, ‘Yeessoha ilkerengeetti Naasaret a yamiite, minka Waakh jejjebcha, hugumme Muusa la urgiyicha,’ essi a daagne.”

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Luuka 21:24

ꞌDooꞌd gaasoo birlabbe lakabakkicha, gaasoo laka lakhabta harra tuumman liibooliya. Ilkerengeetti weene Yeerusaleem la ꞌdooꞌdi Waakh igaran yabta, uskulaacha ichoowka ibeenneti ꞌdooꞌdi Waakh igaran labuuhicha.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Bakkaahit 21:22

Ilkerengeet goyaka minki Waakhe buure ma argin, iꞌdi tahe Kamuri Waakhenye Miig Tuumman Leh ichoow Heleeme minki Waakhe buurenye ilkerengeetete.