Yoohana 3:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

Yoohana 3:29 Referans Kwoze

Mattaayo 9:15

Yeesso wihi us ilaabe, “ꞌDooꞌdi mindischo yimiy ma ooyo geeddi eti min disti intaas kijiro menya? Maane a tamiit ti ꞌdooꞌd eti min disti lakakhaato, ꞌdeerka ꞌdooꞌd af hiiti.”

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”

Fiiliffi 2:2

Maantaka taba isdaaginti atin isdaagtaan ichoow ꞌdooninti atin isꞌdoontaan ichoow maloo kaldaye atin khabtaan ichoow uuroo kaldaye atin isikhabtaan ka, hamaadeey tuum buuhicha.

Yoohana 16:24

Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.

1 Yoohana 1:4

Wahane atin isoochiirra, ꞌdee hamaadeenyo tuum kayeella.

2 Koriinto 11:2

A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena.

Luuka 15:6

goob keena. Ulla ꞌdeerka ollokkiis ichoow aalassiis dakkhamba waha wihi us iyadeeh, ‘Kaaleya a isleehamaano, iꞌdi tahe naffeeyki iiyyaate kootte baabe a ꞌhele.’

Mattaayo 25:1

Yeesso toro wihi us yidah, “Maanti Inam Aadam soonokhti, dakhi goobi Waakh a iꞌdi albehoo tomonenye taassicho khaatte, eti min disti or kadowo.

2 Yoohana 1:12

Wihi noole an atin isoochiirin ꞌdoono a khaba, iꞌdaasenyi khadaab ichoow ringi kasoochiirin ma ꞌdoono. Anihi atin sooꞌdaaro iche khajjeela, afiin ꞌhela ꞌdee weyti isleehamaana.

Yoohana 17:13

“Anna inti at kajirto amiit. Iꞌdaasenyi waha geeddi an harrata kajiro adeehe, ꞌdee saggi an ihamaado, icho laka hamaad rubeyohicho goya buuhicha.

Mattaayo 22:2

“Dakhi goobi Waakh iyookkoka, a iꞌdi karnati inankiis min disti ulla oroosi buure ibahcho.

Yoohana 3:30

Usu gon magah ꞌdiriheey ꞌhela, anna magah waaya.”

Yoohana 15:11

“Waha la a atin isoocheeke, ꞌdee atin laka hamaadi an khabo khabtaane, toro la hamaadiin walah kaankhati mele.