Yoohana 3:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Yoohana waha ka wihi us ilaabe, “Wihi Waakh soomure on menye, walah eti iꞌdee kayateeh mele.

Yoohana 3:27 Referans Kwoze

Yaakoobo 1:17

Siinti tuummane haaggane toro la eloo rucchul laka ikhabin, sereye katamiite toro la Waakkhi Aabbaheenenye banayhi saraat tuumman soouume iche katamiit. Banayhaas a geeddi icho urgiyaane mugꞌdi yateehiin. Iꞌdaasenyi Waakh iꞌdaaru laka ma urgiyo.

1 Koriinto 4:7

Ayyo ꞌdooꞌdi etoo addan kadeefo atin kayeele? Mehe khabtaane, Waakh atin isiin? Chirri atin lasiiche la, a iꞌdoh iꞌdi etoo iꞌhelin u, ieylajjaan?

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Mattaayo 25:15

Koo ugar chan chilimme buuhto siiche, koo la ugar lamma chilimme buuhto siiche, koo la ugartoo kaldaye chilimme buuhto siiche. Ugare ba la chilim alif chan ꞌdahabe khabta. Ebba la geeddi us yabuuꞌde dahan gesse, ꞌdeerka sulhaassiis irte.

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

Mattaayo 21:25

Yoohanahi Enenyet Baattissiyo, antohi us enenyet kabaattissiyo, intoh kayimaateen? Waakhe kayimaateen, bal enenyet?” Iskaleehawwoocheene wihi icho isiyidaaheen, “Chiꞌinno, ‘Waakhe kayimaateen,’ nadeeh, mehe inno iyadeeh ya, ‘A iꞌdoh ꞌdeerka irummeysanna?’

Rooma 12:6

Waakh haaggiiski buure ka, eteemba siimohi yeerenye siiche. Maantaka, chirri siinti Waakh kisiiche ti Waakh liiyeyyeedo tahe, taba giꞌde, ebba kakhuufnaanki Waakh siiche ka, Waakh mujjum a iyeyyeedo giꞌde.

Marko 13:34

Waha iyookkoka, a iꞌdi etoo sulhaal irti. Minkiis katabo, bowꞌdayyohiis anto siicho, kooba hili us haaggicho ikatabo, eti arit fiddiyo la amuri us meel yaakhicho ibahcho.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Galaatiya 1:1

Khadaaba eti atin isoochiiro, a ani Baawulohi ergaanee. Weel enenyete hila ergaano ikorche mele, ommos weel enenyete isooergate mele. Iꞌdaasenyi Yeesso Kiriisto ichoow Waakkhi Aabbaheenenye, Yeessó omoot kasookahche ka a liisooergate.

1 Koriinto 12:11

Waha tuumman la a hili Rubeytoo one, a Rubeyti Waakh. Iche la saggi iche iꞌdoonto u, ebba siintoo siissa.

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

1 Koriinto 1:1

Khadaaba eti atin isoochiiro, a ani Baawulo ichoow eteenki koo Kiriisteenye Soosteena layadeeh. Anna Waakhe jeenteti us iꞌdoono on u, iwahe ergaano Yeesso Kiriisto ikayeele.

Yoohana 6:65

Yeesso toro yeed orey iwoye wihi us yidah, “Jeentetaase an mehe atin iidah ya, et ani iyamiit mele sammata Aabbaheey ani isiin.”

Yoohana 10:41

ꞌDooꞌdi buure la Yeesso iyimiy. Wihi icho yidaaheen, “Chirri goorat Yoohana wohoo miigti Waakh tuso iyeelin laka, wihi eta miinsane us yidah tuumman a rum.”