Yoohana 3:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Yoohana iyimaateene, wihi icho iyidaaheen, “Eti weenoow, eti goorat hawti Yoordane ꞌdusso ꞌdirihiche ka kileejire, at woriis kayeyyeedde kalla. Yey, enenyet tuumman la usu iirta, ulla baattissiya.”

Yoohana 3:26 Referans Kwoze

Yoohana 1:7

Ulla a yimiyye garti banayhaas ꞌdooꞌd icheeke, ꞌdee usu ka ꞌdooꞌd tuumman woraas rummeesta.

Yoohana 12:19

Farissaayo ꞌdeerka wihi iche isitidah, “Ma agartaan a, wihi inno yeelin leheet ma yeelloo! ꞌDooꞌd tuumman usu raaha!”

Yoohana 11:48

Chirri inno usu ꞌdiinne us sagga isossohti, ꞌdooꞌd tuumman usu a rummeesta. ꞌDeerka ꞌdooꞌdi wewweene ili Rooma yamiite, minkeenki Waakhe buure ichoow yaafteen tuummamba baabiichaan.”

Yoohana 1:15

Yoohana la runti usu miinsan enenyet a icheeke, riire wihi us urur iyidah, “Kan a eti an, ‘Etoo ani ikaween ꞌdubeey ka a yamiit, iꞌdi tahe us geeddi an idelan laka a jire on,’ eldi.”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Mattaayo 23:7

Sokkoyyo ka la ichehi weyti inkaanyit ka labariiticho, enenyet tuumman, ‘Eti weenoow,’ idowo iche ꞌdoonaan.

Mattaayo 23:8

“Iꞌdaasenyi uus, ‘Eti ween,’ atin liidowin. A mehe Kamuriin a koo kaldach one, atin la a ꞌdooꞌdi yaaftoo kaldach.

Yoohana 4:1

Farissaayo saggi Yeesso abattiti too Yoohana kiittaawe ibahsate toro la ibaattissiyo daagte.

Yoohana 4:2

Rumanka la Yeesso rubeytiis enenyet ma baattissiyine, iꞌdaasenyi abattitiissa enenyet baattissite.

Yoohana 4:31

Geeddaas tuumman la abatti Yeesso hawwaassatta, “Eti ween, bal wohoo aham,” idowta.

Yoohana 5:33

“Atin Yoohana enenyet a iergatteene, ulla runti ani imiinsan tuumman atin icheeke.