Yoohana 3:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Iꞌdaasenyi eti tuummane wihi rummaat yeelo banay goya soogela, ꞌdee banay la saggi wihi us yeele wihi Waakh ꞌdoono iyahiin tusaan.”

Yoohana 3:21 Referans Kwoze

1 Yoohana 1:6

Chirri inno ichoow Waakh ba kulankoo kaldaye khabna elanni eheet a, mugꞌdi goya kaassohanni, inno beene goonna runti Waakh la ma jirro.

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.

Efeesso 5:9

A mehe banayha gurnaanki us delo a haag tuumman ichoow wihi fissan tuumman ichoow wihi rummaat tuumman.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

Galaatiya 6:8

Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Yoohana 1:47

Chirri Yeesso Naꞌdaanayelhi isoosohti arge ka, wihi usu miinsane us yidah, “Eti rumanka Issiraayelenye wihi beenaat liikaꞌhelin kalla.”

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Bakkaahit 3:15

Wihi atin yeessaan tuumman a garda. Wihi atin yeessaan ka atin kuleel menye toro la khobo mee. Incheenka atin a khobo ommos a kuleel.

Yoohana 3:20

Eti tuummane suujoon yeelo, banayhi runti Waakh a ꞌdiiꞌda, toro la banay goya ma soogelo. Iꞌdi tahe usuhi uskeeli us yeelo laargo ma ꞌdoono.

Yoohana 7:17

Eti tuummane wihi Waakh ꞌdoono yeelin ꞌdoono, usú waha an atin abcho Waakh kayimaateen ommos usú yeedeey on tahe a abta.