Yoohana 3:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Yoohana 3:16 Referans Kwoze

Rooma 5:8

Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.

Yoohana 3:15

ꞌdee eti tuummane ani irummeeste, jiroti jirtuu imassan ꞌhela.”

Rooma 8:32

Waakh Weeliis laka ma inno karimmanne, soorriyoteenna yitah! Waakh Weeliis a inno siiche. Maantaka haaggiiski buure ka walah tuumman usu a inno leesiicha.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

1 Yoohana 4:19

Inno Waakh ichoow ꞌdooꞌdi addan a ꞌdoonna, a mehe Waakhe kolooraat inno ꞌdoonee.

Yoohana 10:28

ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.

Rooma 5:10

Iꞌdi tahe inno chiiyti Waakh nahaayi, Waakh omootti Weeliis ka ankiis inno keene. Toolla Waakh ankiis inno keene la, geeddoo meheenye jiroti Weeli Waakh ka inno lariba!

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

Efeesso 2:4

Iꞌdaasenyi Waakh weyti uurnugulyahe. Jeenteti ꞌdooninti buurenye Waakh inno ꞌdoonuu,

Mattaayo 9:13

Iꞌdaasenyi taba wihi yeeda essi wihiis abda, ‘An soorriyoti at ibihisso menye, atihi ꞌdooꞌdi addan uur inugleysatti iche ꞌdoona.’ A mehe ꞌdooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel leh.”

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Tiito 3:4

Iꞌdaasenyi maanti Waakkhi ꞌDoorribeheene uuri ꞌdabakhe inno tuste weeli enenyet ꞌdoonintiis tuste ka,

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Marko 12:6

“Etoo kaldaye us ergati ꞌhade, a inankoo, ki us weyti ꞌdoone. ꞌDaꞌddaboka inankiis ergate. ‘ꞌDee inankeey a inkaanyitta one,’ iche essa.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Yoohana 3:18

Eti tuummane Weeli Waakh rummeeste ma lahukkumo. Iꞌdaasenyi eti tuummane irummeysan orey on lahukkume, a mehe Weeli Waakhe keleye ma rummeysan.

Ibiraaniya 2:9

Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.