Yoohana 3:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ ꞌdee eti tuummane ani irummeeste, jiroti jirtuu imassan ꞌhela.”

Yoohana 3:15 Referans Kwoze

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Yoohana 6:47

“Rume atin icheeka, eti tuummane ani irummeesti, jiroti jirtuu imassan a khaba.

Yoohana 1:12

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

Galaatiya 2:16

Iꞌdaasenyi wihi nah garanni, eti Waakh ortiis ka eti fissan iekkaacho ki amurre Muusa raaho menye, a ki Yeesso Kiriisto kakhuufo on. ꞌDeerka nah laka Yeesso Kiriisto kakhuufna, ꞌdee amurre Muusati nah raahno ka menye, kakhuufnaanki nah Kiriisto kakhuufno ka, Waakh nah laka ꞌdooꞌdi ortiis ka fiffissan nah iekkaacha. A mehe etoo kaldaye amurre Muusati us raaho ka, Waakh eti ortiis ka fissan iekkaacho mele.

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.

Ibiraaniya 10:39

Iꞌdaasenyi inno ꞌdooꞌdi Waakh adah kakhabti labaabiicho goya ma kijirro, ꞌdooꞌdi Waakh kakhuufo, Waakh ribo goya kijirra.

Hilassi Ergaano 8:36

Jit ka ꞌdulaani bicchehoo ꞌheleene eti sangꞌee la wihi us yidah, “Yey, bicche kallaayo! A iꞌdoh ani liibaattissiyin?”

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

2 Koriinto 4:3

Chirri Wori Haaggane nah cheekno dagsanyahe laka, ꞌdooꞌdi bar latiro on kadagsanyahe.

1 Koriinto 1:18

Iꞌdi tahe ꞌdooꞌdi baabaa kijiro ka, wora massalaaba Kiriisto miinsan, a wori ꞌdalam on. Iꞌdaasenyi innohi Waakh inno ribo ka, wora a miigti Waakh.

Rooma 5:21

Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Hilassi Ergaano 13:41

‘Yeya, atinha wihi Waakh yidah suujoon kacheektaan. A girmeysattaane tuuntaan. A mehe wihi an ibeenneta atin jirtaan yeelo, chirri etoo atin isoocheeke laka ma rummeysattaan!’  ”

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”