Yoohana 3:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Saggi goorat Muusa hidaad ka toof iokkhichuu, saggaase Ínam Aadam laka liiokhicha,

Yoohana 3:14 Referans Kwoze

Yoohana 8:28

ꞌDeerka wihi us iyidah, “Maanti atin Ínam Aadam massalaaba ka serey geesseen, saggi an etaas iahe, a abattaan. Toro la saggi an wohoo rucchul laka miigteey ka iyeeline, iꞌdaasenyi an wihi Aabbaheey iabche on icheeko a abattaan.

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Mattaayo 26:54

Iꞌdaasenyi chirri an iꞌdaas yeele, saggoh ꞌdee wihi Chiirnaanneti Waakh kachiirane sooyateeh liibuuhicha?”

Luuka 24:20

Kuhaaniyyohi wewween ichoow ewweenkeen ba dahanohi ꞌdooꞌdi omoot igoocho gesseene, icho la usu massalaaba kakaaheen.

Mattaayo 8:20

Yeesso wihi us ilaabe, “ꞌDowwohoyyo lumame khabaane, chimbirohi saraat la minchimbiroote khabaan. Iꞌdaasenyi Ínam Aadam inti us matah gesso laka ma khabo.”

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Yoohana 18:32

Waha a yitaaheene, ꞌdee wihi goorat Yeesso yidahye saggi us isooyamuut miinsan labuuhicha.