Yoohana 3:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Ínam Aadamhi goobi Waakh kasookhubte on menye, et addane injire goobi Waakh ikore mele.

Yoohana 3:13 Referans Kwoze

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Hilassi Ergaano 2:34

A mehe Dawuud goobi Waakh ma ikorine, iꞌdaasenyi wihi us yidah, “ ‘Waakkhi Kamure wihi us Kamureey iyidah, “Dabankeeyki miigeete antoot orrommo,

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

1 Koriinto 15:47

Eti oraat harra on kayimiyye, ebeere lakasoouume. Eti lammaatteet la goobi Waakhe kayimiy.

Yoohana 13:3

Yeesso saggi Aabbahiis walah tuumman dahantiis igesse a garta, saggi us Waakh ikayimiyye us toro Waakh ikanokhti a garta.

Rooma 10:6

Iꞌdaasenyi jiti Waakh lakakhuufo toro la Waakh enenyet eti fissan iekkaacho ka, “Uur ka iꞌda ma leessi, ‘Ayyo serey irta ichoowka goobi Waakh goya gela?’ ” ꞌDee iꞌdaakka Kiriisto iche harrata lakeena.

Yoohana 6:62

Eemba Ínam Aadam usuhi inti goorat us kijire ikoro a agarteen?

Yoohana 3:31

“Weeli Waakhe goobi Waakhe saraat kayamiit, usu ꞌdooꞌd tuumman kaween. Ani a ki harratane, wihi harratane kayeyyeeda. Ki goobi Waakh kayamiit la, usú ꞌdooꞌd tuumman kaween.

Yoohana 6:46

Anihi Waakh kiimiy kalday on menye, et addane Aabbaheey arge mele. Ani kalday on Aabbaheey arge.

Yoohana 6:42

Wihi icho yidaaheen, “Eta Yeessohi ínam Yuussufe menya? Aabbahiis ichoow abartiis inno ma garanni? Saggoh toolla goobi Waakhe kiimiy iessa?”

Yoohana 17:5

Maantaka Aabbahaaw, weynaanti an geeddi at harra isoouumin kileekhabe ortaah ka iweynaay.

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Yoohana 6:33

A mehe gololi Waakh ꞌdooꞌd siicho a eti goobi Waakh kayamiite, weeli enenyete harrata jiroti jirtuu imassan siicho.”

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Mattaayo 28:20

Toro la amuri tuummane an atin ibahche abcha a raaheen. Rumanka la an a atin leejira ichoowka ibeenki ꞌdaꞌddaboot yateeh.”

Efeesso 1:23

Urura la a iꞌdi sar Kiriisto. Usú sagag tuumman ka imaala, toro la sagag tuumman ka walah tuumman ka ibuuhicha.

Mattaayo 8:20

Yeesso wihi us ilaabe, “ꞌDowwohoyyo lumame khabaane, chimbirohi saraat la minchimbiroote khabaan. Iꞌdaasenyi Ínam Aadam inti us matah gesso laka ma khabo.”

Yoohana 3:12

An wahanyeyyohi harratane atin isoocheeke atin la ma rummeysattaan. Sag ꞌdeerka atin wahanyeyyohi goobi Waakh miinsane an atin idowo irummeysattaan mele gon.