Yoohana 3:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Rume kisoocheeka, wihi nah garanni a atin isoocheekna, wihi nah indo kaagarre laka a atin isoocheekna. Iꞌdaasenyi, atin wihi nah atin idowno ma rummeysattaan.

Yoohana 3:11 Referans Kwoze

Yoohana 8:38

Wihi an inti Aabbaheey kajiro ka an arge a atin icheeke. Atin la wihi atin aabbahiin kadaagteen iche yeessaan.”

Yoohana 14:24

Eti tuummane ani iꞌdoonin, wihi an abche laka ma raaho. Wihi atin daagteen la weheey menye, Aabbaheeyki isooerge iche kayimaateen.

Yoohana 12:49

A mehe an antoheey ma kaayyeedin. Iꞌdaasenyi Aabbaheeyki isooerge iche amur ibahche, wihi an adeeh ichoow saggi an iadeeh isiiche.

Yoohana 8:14

Yeesso wihi us ilaabe, “Chirri an awteey kaayyeedo laka, wihi an eldi a rum. Iꞌdi tahe inti an kiimiy a garda, toro la inti an isohdi a garda. Iꞌdaasenyi atin inti an kiimiy ma garattaane, ommos inti an isohdi ma garattaan.

Yoohana 7:16

Yeesso wihi us ilaabe, “Waha an ꞌdooꞌd abcho, yeedeey on menye, a yeedi eti isooergate kayimiy.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Yoohana 1:11

Us ꞌdooꞌdiissa iyimiyye, iꞌdaasenyi ꞌdooꞌdiis usu ma khaatan.

Luuka 10:22

“Aabbaheey walah dakkhan dahantaaya soogesse. Aabbahaaya on menye et rumanka eti Weeliis yahe garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.”

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Hilassi Ergaano 22:18

Fooltabcho ka Kamur arge, ulla iiyeyye, ‘Arari! Dowwa ilkerengeetti weene Yeerusaleem katab, iꞌdi tahe ꞌdooꞌd inta ka weheeyki at icheekto ma dagansati.’

Yoohana 5:43

Ani anto Aabbahaaya kiimiyye atin la ma ikhaatan, iꞌdaasenyi chirri etoo addan yimiyye antohiissa on kayeyyeedo, atin etaas a khaatattaan.

Yoohana 3:13

Ínam Aadamhi goobi Waakh kasookhubte on menye, et addane injire goobi Waakh ikore mele.

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Mattaayo 23:37

“Yeerusaleemoow, ilkerengeetti weenoow, atin ꞌdooꞌdi Waákh íyeyyeedo a tagiisiine, ꞌdooꞌdi Waakh atin isooerge la dagah kachibtaan. Saggi orran lukki weylassiis barbarre goya igessatuu, an geeddi buurenye anihi dahanoheey atin koogoogo ꞌdoone, iꞌdaasenyi atin ma ꞌdoonin.

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Bakkaahit 3:14

“Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.

Yoohana 3:12

An wahanyeyyohi harratane atin isoocheeke atin la ma rummeysattaan. Sag ꞌdeerka atin wahanyeyyohi goobi Waakh miinsane an atin idowo irummeysattaan mele gon.

Yoohana 8:26

Wihi buurenye atin miinsane an adeehe toro atin kahukkumo a jiraan. Iꞌdaasenyi eti isooerge a ki rum leh. Anna wihi an usu kadaage on ꞌdooꞌdi harrata icheeka.”