Yoohana 3:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Yeesso la wihi us ilaabe, “At a etoo ꞌdooꞌdi Issiraayel Yeedi Waakh abcho, toro la wahanyeyyoha ma abanna?

Yoohana 3:10 Referans Kwoze

Mattaayo 22:29

Yeesso wihi us ilaabe, “Atin jeenteti atin wihi Chiirnaanneti Waakh enenyet abisso ichoow miigti Waakh igaran u, jiti baabulenye kijirtaan.

Mattaayo 15:14

Woricho ꞌdiicha! Icho a iꞌdi ꞌdooꞌdi indo laaye, toro enenyeti indo laa angaamicho. Etoo indo laa chuꞌus koo indo laa angaamicho, lammache ankhar a iskaleedihta.”

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Rooma 2:28

Eti rumanka Yaꞌhuude ki wihi indo ka laargo kalday menye, ommos khandihi rummaat ki sarti kharaate laaggoocho mee.

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

Luuka 2:46

Ibeenki seyyahnaatteet inkoo icho Yeerusaleem kakaheen ka, Yeessohi uranti minki Waakhe buure ka ꞌdooꞌdi Yeedi Waakh ꞌdooꞌd abcho goycho fiddiyo, wihi icho essaan dagansati toro walah wowworsati ꞌheleen.

Luuka 5:17

Maantooka Yeesso Yeedi Waakhe ꞌdooꞌd abcha, Farissaayotoo ichoow tagaammeti amurre la intaase fiddiyaan. ꞌDooꞌda la goobassi Gaalilaaya ichoow Yaꞌhuudiya ichoow ilkerengeetti weene Yeerusaleeme kayimaateen. Kamur la Yeesso miigti us ꞌdooꞌdi khakkhannan kasamaacho a siiche.

Yoohana 3:9

Nikodeemo la wihi us worsate, “Waha saggoh iyateehiin?”

Hilassi Ergaano 5:34

Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.