Yoohana 21:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Chirri iche bey afiche eleesse ka, seeꞌddi bolokhto bahag fuulo agarte. Makaate laka intaas a kajirte.

Yoohana 21:9 Referans Kwoze

Yoohana 21:13

Yeesso toro makaate khaate, abatti idiibe, bahag laka toro iꞌdaas on yeele.

Yoohana 21:10

Yeesso wihi us abatti iyidah, “Bahaggi atin sookhabatteen goyaka, gaasoo sookhaata.”

Yoohana 18:18

Il a roffo gone, ilbooyye ichoow iskare ba ꞌhor on ꞌdab bolkhicheene, kasookhaarteene dahambooteen. Beetero laka irte iskar leetoolossate, ꞌdabe dahambootaa.

Marko 8:3

Chirri an ankaa khabaani goobassicho ilaabo jit ka a sussuuhaan. A mehe gaasichokoo foga kayimaateen.”

Mattaayo 4:11

Seytaan ꞌdeerka Yeesso katabe, herti Waakh la timiyye Yeesso gargaarte.

Yoohana 6:9

“Inankoo makaate chan ꞌdargaayye lakahaaggiche, ichoow bahag lamma rurrucchul khabo kalla. Iꞌdaasenyi koloo kalday laka ꞌdooꞌda ittaawe ma yaakhaan.”

Yoohana 6:11

Yeesso ꞌdeerka makaateyyo khaate, Waakh kalaꞌd ilaabe, ꞌdooꞌdi intaas fiddiyo geeddi icho ꞌdoonaan gise. Bahag laka iꞌdaas on yeele.

Yoohana 21:8

Abattiti addan la oroohti bahag buuho khabtaayi, kooban ka bey afiche timiy. A mehe icho bey afiche ma kadeerneynane, geeddi mitta kudoo on bey afiche ileejireen.