Yoohana 21:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Eti abatti goyaka Yeesso weyti ꞌdoono la wihi us Beetero iyidah, “Waha a Kamureenna alah.” Chirri Siimonhi Beetero layadeeh saggi wahaas Kamur iyahe daage ka, dafartiisti oroot dabar kahiite. Iꞌdi tahe kootte a bahchee. ꞌDeerka bicche goya kadihe.

Yoohana 21:7 Referans Kwoze

Yoohana 13:23

Abatti goyaka, etoo kachka Yeesso weyti ꞌdoono, Yeessó garabiissa fiddiya.

Yoohana 20:2

ꞌDeerka Siimonhi Beetero layadeeh ichoow eti ullaka abatteenye Yeesso weyti ꞌdoono isoonyaante wihi iche itidah, “Kamur goꞌd goya a lakabahche, inti lagesse la ma garanni.”

Yoohana 19:26

Yeesso abartiis ichoow eti us abattitiis goyaka weyti ꞌdoono ichohi intaas toollo arge. Yeesso wihi us abartiis iyidah, “Abartaay, eta inankaah kayeelo.”

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

Yoohana 21:24

Eti abatteenye waha runticho garti, cheeko, toro la chiire, a kan. Saggi wihi us yidah rum iyahiin la a garanna.

Yoohana 21:20

Beetero urgiye, etoo ullaka abatteenye ꞌdubicho sooraaho arge. Eta a ki goorat Yeesso weyti ꞌdoono, maanti goorat Yeesso gololi ꞌdaꞌddaboot abatti leeyuhum, Yeesso garabiis fiddiye, Yeesso kasiihsate, “Kamur, eti ꞌdub kigoocho a ayyo?” worsate.

Hilassi Ergaano 10:36

Atin farniinki Waakh ꞌdooꞌdi Issiraayel isooerge a garattaan. Farniinka la Wori Haaggane cheeke, Yeesso Kiriisto ka innohi enenyete ichoow Waakh a isinebeyne. Yeesso Kiriisto la a Kamuri weeli enenyet tuumman.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Luuka 7:47

Maantaka wihi an kiadeeh, makhaabassa uskeelicheki ittaawe a liikakute. A mehe ꞌdooninti buurenye itusatte. Iꞌdaasenyi eti uskeeloo rucchul liikakute ꞌdoonintoo rucchul on Waákh tusta.”

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!

Marko 11:3

Chirri etoo, ‘A iꞌdoh iꞌda iyeessaan?’ atin worsate la, mehe itadeehiin ya, ‘Kamure ꞌdoona, inkoo dow on la inta isoolaaba.’ ”

Yaakoobo 2:1

ꞌDooꞌd Kiriistokaaw, atin Yeesso Kiriistohi Kamureenenye toro weynaan tuumman leh a rummeysatteen gone, taba enenyet seley asassaahina.

1 Koriinto 15:47

Eti oraat harra on kayimiyye, ebeere lakasoouume. Eti lammaatteet la goobi Waakhe kayimiy.

Yoohana 20:28

Toomas chirraakka, “Ati a Kamuraaya, toro la a Waakkhaaya,” iyidah.

Yoohana 20:20

Inkoo us waha yidah ka, dahanohiis ichoow waaru ba tuse. Abatti uus iche Kamur agarte ka, weyti hamaadde.

Luuka 12:35

“Taba tannabda, gaaddiin mujjum marda, taassiin la iiche jitine, ꞌdee Waakh ihila.

Yoohana 21:8

Abattiti addan la oroohti bahag buuho khabtaayi, kooban ka bey afiche timiy. A mehe icho bey afiche ma kadeerneynane, geeddi mitta kudoo on bey afiche ileejireen.