Yoohana 21:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Yeesso chirraakka wihi us abatti iyidah, “Era, walah bahagenye atin khabatteen mele?” Wihi icho ilaabeen, “Walah nah khabanne mele.”

Yoohana 21:5 Referans Kwoze

Fiiliffi 4:19

Waakkheey la kamurroonki weene Yeesso Kiriisto lakaꞌhelo ka, wihi buurenye atin jirotiin ka ꞌdoontaan tuumman a atin siicha.

1 Yoohana 2:13

Atinhi ooyenyee, waansihane atin isoochiira, a mehe atin ki geeddi harra liisoouumin laka jire a garatteen. Atinhi nunnugul, waansihane atin isoochiira, a mehe atin Seytaanki uskeel leh a soorisseen. Nyaakhuteeyki an weyti ꞌdoono, waansihaase atin isoochiira, a mehe atin Waakkhi Aabbaheene a garatteen.

Ibiraaniya 13:5

ꞌDooꞌdi chílim iꞌdamaammowo iitaahana, wihi atin khabtaan on kadarga. Iꞌdi tahe Waakh wihi us yidah, “An koloo kalday laka ma kaaseeho, an koloo kalday laka ma kiꞌdiiꞌdo.”

1 Yoohana 2:18

Nyaakhuteeyki an weyti ꞌdoono, waha a ibeenneti ꞌdaꞌddaboot. Saggi goorat atin idaagteen u la, eti Kiriisto igafo a yamiit. Toolla laka ꞌdooꞌdi ittaawenye Kiriisto igafo a yimiy. Iꞌda ka la saggi waha ibeenneti ꞌdaꞌddaboot iyahiin a garanna.

Mattaayo 14:15

Chirri il gelebnowe ka, abattitiis itimiyye, “Il kola a ibeennowe, inta la a yibe, ururre laabe ꞌdee goobab a iratti gololoo a soogatteen,” itidah.

Marko 8:7

Bahaggi rurrucchul laka wohoor a khabte. Yeesso wahaas laka iweeste, “Waha laka gisa,” iyidah.