Yoohana 21:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Yeesso wohoo addane ittaawe laka a yeele. Chirri kootte wahaas tuumman lachiire, imurchoteey ka, harra tuumman laka, buuggassi wahaas tuumman lakachiire, meel iche gelisso mele.

Yoohana 21:25 Referans Kwoze

Ibiraaniya 11:32

ꞌDeerka ꞌdooꞌdoo addane wawwaha, bal mehe addane idaahe? Iꞌdi tahe Giidiyon ichoow Baarag ichoow Saamison ichoow Yeeftah ichoow Dawuud ichoow Saamuwel ichoow ꞌdooꞌdi Waákh íyeyyeedo tuumman, chir an jiroticho kaayyeedo mele.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Hilassi Ergaano 20:35

Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 19:24

Toro wihi an atin iadeeh, naffi gaale issi irbi kakhaduutti weyti ꞌhooltahe. Eheet a, ꞌhoossi eti kamurenye dakhi Waakh gelo iche weyti kutta.”

Marko 5:16

ꞌDooꞌdi kootte wihi yitah arge la, wihi eti ginnayyo dakhteen ichoow golcha kayitah ꞌdooꞌdi addan icheeke.